പാലക്കുന്ന് കലാദര്‍പ്പണ വാര്‍ഷികം ആഘോഷിച്ചു

ഉദുമ: പാലക്കുന്ന് കലാദര്‍പ്പണ സ്‌കൂള്‍ ഓഫ് ക്‌ളാസിക്കല്‍ ഡാന്‍സ് ആന്‍ഡ് മ്യൂസിക് വാര്‍ഷികാഘോഷവും ആദ്യ ബാച്ചിന്റെ അരങ്ങേറ്റവും ഞായറാഴ്ച അംബികാ ഓഡിറ്റോറിയത്തില്‍ നടന്നു. പിലാത്തറ ലാസ്യ കോളജ് ഓഫ് ഫൈന്‍ ആര്‍ട്‌സ് പ്രിന്‍സിപ്പല്‍ കലാമണ്ഡലം ലത ഇടവലത്ത് ഉദ്ഘാടനം ചെയ്തു. 

ഉദുമ പഞ്ചായത്ത് പ്രസിഡന്റ് കസ്തൂരി ടീച്ചര്‍ അധ്യക്ഷം വഹിച്ചു. സിനിമാ, സീരിയല്‍ താരം അനു ജോസഫ്, സംഗീതരത്‌നം കാഞ്ഞങ്ങാട് രാമചന്ദ്രന്‍ എന്നിവര്‍ വിശിഷ്ടാതിഥികളായി. കപ്പണക്കാല്‍ കുഞ്ഞിക്കണ്ണന്‍ ആയത്താര്‍, വാദ്യരത്‌നം കടന്നപ്പള്ളി ശങ്കരന്‍കുട്ടി മാരാര്‍, മാധ്യമപ്രവര്‍ത്തകന്‍ എ.വി. രാഘവന്‍, കെ.എന്‍.രാജേന്ദ്രപ്രസാദ്, കലാദര്‍പ്പണ ഡയറക്ടര്‍ രാഗിഷ ശ്രീകുമാര്‍ എന്നിവര്‍ പ്രസംഗിച്ചു. തുടര്‍ന്ന് കലാപരിപാടികളും നടന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,