പയ്യോളിയില്‍ ബസ്സും ഓട്ടോറിക്ഷയും കൂട്ടിയിടിച്ച് മൂന്നുപേര്‍ മരിച്ചു

കോഴിക്കോട്: പയ്യോളിയില്‍ സ്വകാര്യ ബസ്സും ഓട്ടോറിക്ഷയും കൂട്ടിയിടിച്ച് മൂന്നുപേര്‍ മരിച്ചു. ഓട്ടോറിക്ഷയില്‍ സഞ്ചരിച്ച വടകര കോട്ടപ്പള്ളി സ്വദേശികളായ ചിരുകണ്ടോത്ത് രാഹുല്‍ (21), ഓട്ടോഡ്രൈവര്‍ പുറക്കുന്നോത്ത് സനൂപ് (25), കുന്നോത്തുവീട് രാജീവ് (21) എന്നിവരാണ് മരിച്ചത്. ചൊവ്വാഴ്ച രാവിലെ 11 നായിരുന്നു അപകടം.

വടകരയില്‍നിന്ന് കൊയിലാണ്ടി ഭാഗത്തേക്കുപോയ ഓട്ടോറിക്ഷയും കോഴിക്കോടേക്കുവന്ന സ്വകാര്യ ബസ്സും തമ്മിലാണ് കൂട്ടിയിടിച്ചത്. രാഹുല്‍ സംഭവ സ്ഥലത്തുതന്നെ മരിച്ചു. സനൂപ്, രാജീവ് എന്നിവര്‍ കോഴിക്കോട് മെഡിക്കല്‍ കോളേജിലാണ് മരിച്ചത്. അപകടത്തില്‍ പരിക്കേറ്റ പെണ്‍കുട്ടിയെ മെഡിക്കല്‍ കോളേജില്‍ പ്രവേശിപ്പിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,