മഞ്ജുവിന്റെ രണ്ടാം അരങ്ങേറ്റം ബിഗ് ബിയുടെ കൂടെ

മഞ്ജു വാര്യര്‍ അഭിനയത്തിലേക്ക് തിരിച്ചുവരുന്നു. ഒരു പ്രമുഖ ജ്വല്ലറിയുടെ പരസ്യത്തില്‍ അമിതാഭ് ബച്ചന്റെ കൂടെയാണ് രണ്ടാം അരങ്ങേറ്റം. 14 വര്‍ഷത്തിനു ശേഷമാണ് തിരിച്ചുവരവ്. ഈ മാസം 29, 30 ,31 തിയ്യതികളില്‍ പരസ്യ ചിത്രത്തിന്റെ ഷൂട്ടിങ്ങ്. മലയാളം തെലുങ്ക്, കന്നഡ, തമിഴ് എന്നീ ഭാഷകളിലായിരിക്കും പരസ്യം ചിത്രീകരിക്കുക.

ദിലീപുമായുള്ള വിവാഹത്തിന് ശേഷം അഭിനയ രംഗത്തോട് വിട പറഞ്ഞ മഞ്ജു വാര്യര്‍ വീണ്ടും സിനിമാരംഗത്ത് സജീവമാകുമെന്ന് വാര്‍ത്ത പ്രചരിച്ചിരുന്നു. നൃത്തത്തില്‍ സജീവമായ മഞ്ജു സ്വന്തമായ വെബ്‌സൈറ്റ് പ്രമുഖ കമ്പനിയുടെ സഹായത്തോടെ നിര്‍മ്മിച്ചിരുന്നു. ഒറ്റ ദിവസം കൊണ്ട് അരലക്ഷത്തോളം പേരാണ് സൈറ്റ് സന്ദര്‍ശിച്ചിരുന്നത്. മഞ്ജുവിന്റെ ഈ ഡിമാന്റാണ് പ്രമുഖ ജ്വല്ലറിയെയും മാര്‍ക്കറ്റിംഗിന് ഉപയോഗിക്കാന്‍ പ്രചോദനമായത്.

സാക്ഷാല്‍ ബിഗ് ബിയുടെ കൂടെയാണ് അഭിനയമെന്നതിനാല്‍ അരങ്ങേറ്റം കലക്കുമെന്നാണ് സൂചന. നേരത്തേ ജ്വല്ലറിയുടെ പരസ്യത്തില്‍ ഭര്‍ത്താവ് ദിലീപിന്റെ കൂടെയും അമിതാഭ് ബച്ചന്‍ അഭിനയിച്ചിരുന്നു. ഗീതു മോഹന്‍ദാസ് സംവിധാനം ചെയ്യുന്ന സിനിമയടക്കം നിരവധി ഓഫറുകള്‍ മഞ്ജുവിനെ തേടി നിലവിലുണ്ട്. മഞ്ജുവും ദിലീപും വേര്‍പിരിയുന്നു എന്നാ വാര്‍ത്തക്ക് സ്ഥിതീകരണമാണ് മഞ്ജുവിന്റെ അരങ്ങേറ്റം.


Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News