മികച്ച ഐസിഡിഎസ് സൂപ്പര്‍ വൈസറര്‍ക്കുള്ള സംസ്ഥാന അവാര്‍ഡ് എം ലക്ഷ്മിക്ക്

കാസര്‍കോട്: ജില്ലയിലെ മികച്ച ഐസിഡിഎസ് സൂപ്പര്‍ വൈസറര്‍ക്കുള്ള സംസ്ഥാന അവാര്‍ഡ് മഞ്ചേശ്വരം അഡീഷണല്‍ പ്രൊജക്ട് ഓഫിസിലെ എം ലക്ഷ്മിക്ക്. സംയോജിത ശിശു വികസന സേവന പദ്ധതിയില്‍ കഴിഞ്ഞ വര്‍ഷത്തെ മികച്ച സേവനത്തിനാണ് ലക്ഷ്മിയെ സാമൂഹ്യ നീതി വകുപ്പ് അവാര്‍ഡിനു തിരഞ്ഞെടുത്തത്. 

ആദ്യം ബാലവാടിയിലും പിന്നിട് അംഗന്‍വാടിയിലും 10 വര്‍ഷക്കാലം വര്‍ക്കറായിരുന്ന ലക്ഷ്മി 1995 ഓഗസ്റ്റിലാണ് കാസര്‍കോട് ഐസിഡിഎസ് പ്രൊജക്ട് ഓഫിസിലാണ് സൂപ്പര്‍ വൈസറായി ആദ്യനിയനം ലഭിക്കുന്നത്. അഞ്ചു വര്‍ഷക്കാലം കാസര്‍കോട് പ്രൊജക്ട് ഓഫിസിന്റെ കീഴിലെ പഞ്ചായത്തുകളില്‍ ജോലി ചെയ്തതിനുശേഷം 2001 മുതല്‍ മഞ്ചേശ്വരം ഐസിഡിസ് ഓഫിസിലെത്തുന്നത്. 

ഇപ്പോള്‍ മൂന്നുവര്‍ഷമായി മഞ്ചേശ്വരം അഡീഷണല്‍ പ്രൊജക്ടിലെ പുത്തിഗെ പഞ്ചായത്തില്‍ ജോലി ചെയ്യുന്നതോടൊപ്പം മൂന്നു പഞ്ചായത്തുകളുടെ നിര്‍വഹണ ചുമതലയും സിഡിപിഒയുടെ അധികചുമതലയും വഹിക്കുന്നു. സര്‍ട്ടിഫിക്കറ്റും 10,000 രൂപയും അടങ്ങുന്ന അവാര്‍ഡ് തിരുവനന്തപുരത്ത് നടക്കുന്ന ചടങ്ങില്‍ വിതരണം ചെയ്യും. 

പെരുമ്പള കിഴക്കേവീട്ടിലെ ഇ മാധവന്‍നായരുടെ ഭാര്യയാണ് ലക്ഷ്മി.എം.മണികണന്‍ നമ്പ്യാര്‍, എം.മല്ലിക, എം.മനോജ്കുമാര്‍ എന്നിവര്‍ മക്കളാണ്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News