പ്രകടനം നടത്തിയ പോപ്പുലര്‍ ഫ്രണ്ട് പ്രവര്‍ത്തകരെ അറസ്റ്റ് ചെയ്തു

കണ്ണൂര്‍: ഡിവൈ.എസ്.പി. സുകുമാരന്റെ വിവാദപരാമര്‍ശത്തില്‍ പ്രതിഷേധിച്ച് നഗരത്തില്‍ പോപ്പുലര്‍ ഫ്രണ്ട് പ്രവര്‍ത്തകര്‍ പോസ്റ്ററുകള്‍ പതിച്ച് പ്രകടനം സംഘടിപ്പിച്ചു. ചേംബര്‍ ഹാളിനു മുന്നില്‍നിന്ന് തുടങ്ങിയ പ്രകടനം നഗരസഭ ഓഫീസിനുമുന്നില്‍ പോലീസ് തടഞ്ഞ് പ്രവര്‍ത്തകരെ അറസ്റ്റ് ചെയ്തുനീക്കി.

പ്രകടനത്തിന് അഫ്‌സല്‍ കക്കാട്, ലുഖ്മാന്‍, സി.എച്ച്.ഫാറൂഖ് എന്നിവര്‍ നേതൃത്വം നല്‍കി.
ഐ.ജി.അടക്കമുള്ള പോലീസ് ഉദ്യോഗസ്ഥരുടെ ഓഫീസിനു മുന്നില്‍ മാര്‍ഗതടസ്സമുണ്ടാക്കി സമരം നടത്തുന്നത് കൈയുംകെട്ടി നോക്കിനില്‍ക്കുന്ന പോലീസ് പോപ്പുലര്‍ ഫ്രണ്ടിന്റെ ജനാധിപത്യരീതിയിലുള്ള സമരങ്ങള്‍ക്കുനേരെ വിവേചനപരമായ സമീപനം സ്വീകരിക്കുകയാണെന്ന് പോപ്പുലര്‍ ഫ്രണ്ട് ജില്ലാക്കമ്മിറ്റി കുറ്റപ്പെടുത്തി. പൗരാവകാശം അടിച്ചമര്‍ത്താനുള്ള പോലീസ് നടപടികള്‍ക്കെതിരെ പ്രക്ഷോഭപരിപാടി നടത്താനും തീരുമാനിച്ചു.
ജില്ലാ പ്രസിഡന്റ് തസ്‌നീം അധ്യക്ഷനായി. നസീര്‍, താഹ തങ്ങള്‍, ജാബിര്‍ എന്നിവര്‍ സംസാരിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News