മുങ്ങിയെന്ന വാര്‍ത്ത തെറ്റ്; വ്യാജ വാര്‍ത്ത പ്രചരിപ്പിക്കുന്നവര്‍ക്കെതിരേ നിയമ നടപടി: ശാലു

ചങ്ങനാശേരി: ചില ചാനലുകള്‍ പ്രചരിപ്പിക്കുന്നതു പോലെ താന്‍ ഒളിവില്‍ പോയിട്ടില്ലെന്ന് നടി ശാലു മേനോന്‍. ചങ്ങനാശേരി പെരുന്നയിലെ വീട്ടില്‍ മാധ്യമപ്രവര്‍ത്തകരെ നേരില്‍ കണ്ടു സംസാരിക്കുകയായിരുന്നു അവര്‍. ഒളിവിലാണെങ്കില്‍ താന്‍ ഇപ്പോള്‍ സ്വന്തം വീട്ടില്‍വച്ച് എങ്ങനെ മാധ്യമങ്ങളെ കാണും എന്ന ചോദ്യത്തോടെയാണ് ശാലു മേനോന്‍ സംസാരിച്ചു തുടങ്ങിയത്. സോളാര്‍ തട്ടിപ്പുകേസിലെ പ്രതി ബിജു രാധാകൃഷ്ണനുമായി അടുത്ത ബന്ധമള്ള ശാലു മേനോന്‍ മുങ്ങിയെന്ന വാര്‍ത്തകളോട് പ്രതികരിക്കുകയായിരുന്നു ചലചിത്ര - സീരിയല്‍ താരമായ ശാലുമേനോന്‍.

തന്റെ വീട്ടില്‍ റെയിഡ് നടന്നിട്ടില്ല. കേസുമായി ബന്ധപ്പെട്ട് താന്‍ യാതൊരു നടപടിയും നേരിട്ടിട്ടുമില്ല. ശനിയാഴ്ചയും ഞായറാഴ്ചയും തന്റെ നൃത്തവിദ്യാലയങ്ങള്‍ സന്ദര്‍ശിക്കുന്ന ദിവസങ്ങളാണ്. പത്തു ബ്രാഞ്ചുകളാണുള്ളത്. ഇവടെയെല്ലാം ശനിയും ഞായറും സന്ദര്‍ശിക്കും. ക്ലാസുകളും എടുക്കാറുണ്ട്. അതുകൊണ്ടാണ് വീട്ടില്‍ ഇല്ലാതിരുന്നത്.- ശാലു മേനോന്‍ പറഞ്ഞു. ഇതുസംബന്ധിച്ച് ചില ചാനലുകള്‍ വ്യാജ വാര്‍ത്തയാണ് പ്രചരിപ്പിക്കുന്നത്. ഇവര്‍ക്കെതിരേ നിയമനടപടി സ്വീകരിക്കുന്നത് പരിഗണിക്കുമെന്നും അവര്‍ പറഞ്ഞു. അതേസമയം കേസിനെക്കുറിച്ച് പ്രതികരിക്കാന്‍ ശാലു മേനോനും അമ്മയും തയാറായില്ല.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News