കയ്യെഴുത്ത് വായനാമത്സരങ്ങള്‍ നടത്തി

കാസര്‍കോട്: ജില്ലാ സാക്ഷരതാ മിഷന്റെ നേതൃത്വത്തില്‍ വായനദിനത്തോടനുബന്ധിച്ച് നവസാക്ഷരര്‍ക്കായി കയ്യെഴുത്ത്, വായനാ മത്സരങ്ങള്‍ നടത്തി. പരിപാടിയുടെ ജില്ലാതല ഉദ്ഘാടനം ഇരിയണ്ണി ഗവ.ഹയര്‍ സെക്കണ്ടറി സ്‌ക്കൂളില്‍ ജില്ലാപഞ്ചായത്ത് പ്രസിഡണ്ട് പി പി ശ്യാമളാദേവി ഉദ്ഘാടനം നിര്‍വ്വഹിച്ചു. ജില്ലയിലെ മുഴുവന്‍ സാക്ഷരതാ മിഷന്‍ വിദ്യാകേന്ദ്രങ്ങളിലും തുല്യതാ പഠിതാക്കള്‍ക്കായി കയ്യെഴുത്ത്, വായനാ മത്സരങ്ങല്‍ നടത്തി.

കാറഡുക്ക ബ്ലോക്ക് പഞ്ചായത്ത് പ്രസിഡണ്ട് ബി എം പ്രദീപ് അധ്യക്ഷത വഹിച്ചു. ചടങ്ങില്‍ സാക്ഷരതാ മിഷന്‍ ജില്ലാ കോര്‍ഡിനേറ്റര്‍ പി.പ്രശാന്ത്കുമാര്‍ മുഖ്യപ്രഭാഷണം നടത്തി. പ്രിന്‍സിപ്പാള്‍ ചന്ദ്രന്‍മാസ്റ്റര്‍ വായനാദിന പ്രതിജ്ഞ ചൊല്ലിക്കൊടുത്തു. ബ്ലോക്ക് പഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ പി.ഓമന, മുളിയാര്‍ ഗ്രാമപഞ്ചായത്ത് ആരോഗ്യ വിദ്യാഭ്യാസ സ്ഥിരം സമിതി അധ്യക്ഷ ആയിഷ മെഹമൂദ്, വികസന കാര്യ സ്ഥിരം സമിതി അധ്യക്ഷ വി.പ്രേമാവതി, വാര്‍ഡ് മെമ്പര്‍ സുഗതകുമാരി, പി ടി എ പ്രസിഡണ്ട് പ്രഭാകരന്‍ നായര്‍, നോഡല്‍ പ്രേരക് എ.തങ്കമണി, സി കെ പുഷ്പകുമാരി, ആയിഷമുഹമ്മദ്, പ്രേരക് വി. പുഷ്പലത തുടങ്ങിയവര്‍ സംസാരിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News