ഗര്‍ഭിണിയായ യുവതി മിന്നലേറ്റ് മരിച്ചു

മംഗലാപുരം: ശക്തമായ മിന്നലേറ്റ് അഞ്ചുമാസം ഗര്‍ഭിണിയായ യുവതി തത്ക്ഷണം മരിച്ചു. ബല്‍ത്തങ്ങാടി ജെറുക്കട്ടെയിലെ അഞ്ചുസെന്റ് കോളനിയിലെ ഇഖ്ബാലിന്റെ ഭാര്യ സമീദ (23)യാണ് മരിച്ചത്. വീടിന്റെ ജനാലക്കരികിലിരുന്ന് ബീഡി തെറുക്കുകയായിരുന്നു സമീദ. അപ്പോഴാണ് മിന്നലേറ്റത്. ഉടന്‍ മരിച്ചു. ഇവര്‍ക്ക് രണ്ടുവയസ്സുള്ള ഒരു മകനുണ്ട്. തഹസില്‍ദാര്‍ സ്ഥലം സന്ദര്‍ശിച്ചു.

കരയായയിലെ ശിവഗിരിയിലും മിന്നലില്‍ വീട് തകര്‍ന്നു. ബാബു മൊകേരയുടെ വീടാണ് മിന്നലേറ്റ് തകര്‍ന്നത്. ആ സമയത്ത് വീട്ടുകാര്‍ ആരും സ്ഥലത്തില്ലാത്തത് രക്ഷയായി. തൊട്ടടുത്ത വീട്ടിലെ പെണ്‍കുട്ടിക്ക് മിന്നലില്‍ ഷോക്കേറ്റു. തീരദേശ മേഖലകളില്‍ കഴിഞ്ഞദിവസമാണ് ശക്തമായ മിന്നലുണ്ടായത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,