ഹജ്ജ് ക്വാട്ട കുറയ്ക്കരുത് -കുഞ്ഞാലിക്കുട്ടി

തിരുവനന്തപുരം: ഹറം വികസനത്തോടനുബന്ധിച്ച് സൗദി സര്‍ക്കാര്‍ വിദേശരാജ്യങ്ങളുടെ 20 ശതമാനം ഹജ്ജ് ക്വാട്ട കുറയ്ക്കുമ്പോള്‍ കേരളത്തിന് മുമ്പ് അനുവദിച്ച സീറ്റുകളുടെ എണ്ണത്തില്‍ കുറവ് വരുത്തരുതെന്നാ വശ്യപ്പെട്ട് ഹജ്ജിന്റെ ചുമതലയുള്ള വ്യവസായ-ഐ.ടി. വകുപ്പ് മന്ത്രി പി.കെ.കുഞ്ഞാലിക്കുട്ടി കേന്ദ്ര വിദേശകാര്യ വകുപ്പ് മന്ത്രി സല്‍മാന്‍ ഖുര്‍ഷിദിന് കത്തയച്ചു.

ചെറിയ വരുമാനമുള്ളവര്‍ക്ക് സ്വകാര്യ ഹജ്ജ് സംഘങ്ങള്‍വഴി തീര്‍ത്ഥാടനം നടത്താനാവില്ല. കേരളത്തില്‍നിന്ന് ഹജ്ജ് തീര്‍ത്ഥാടനത്തിനായി അപേക്ഷിക്കുന്നവരുടെ എണ്ണം വര്‍ഷംതോറും വര്‍ധിക്കുകയാണ്.

കേരളത്തിന്റെ പ്രത്യേക സാഹചര്യം പരിഗണിച്ച് സംസ്ഥാനത്തിനുള്ള ഹജ്ജ് ക്വാട്ടയില്‍ ഒരു കുറവും വരുത്തരുതെന്നും മന്ത്രി കുഞ്ഞാലിക്കുട്ടി കത്തില്‍ ആവശ്യപ്പെട്ടു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News,