Latest News

കേന്ദ്രമന്ത്രി മുല്ലപ്പള്ളിയുടെ ഓഫീസിന് നേരേ പെട്രോള്‍ ബോംബേറ്

വടകര: കേന്ദ്ര ആഭ്യന്തര സഹമന്ത്രി മുല്ലപ്പള്ളി രാമചന്ദ്രന്റെ വടകര ക്യാമ്പ് ഓഫീസിന് നേരേ ബോംബേറ്. ചൊവ്വാഴ്ച രാത്രി എട്ടുമണിയോടെയാണ് സംഭവം.

ഓഫീസിലുണ്ടായിരുന്ന അഡീഷണല്‍ പ്രൈവറ്റ് സെക്രട്ടറി പ്രദീപ് ഉള്‍പ്പെടെയുള്ളവര്‍ ഓഫീസ് പൂട്ടി പുറത്തിറങ്ങി അഞ്ച് മിനിറ്റിനകമായിരുന്നു ആക്രമണം. ബോംബേറില്‍ നിലത്തുണ്ടായിരുന്ന ചൂടിപ്പായ കത്തി. ഓഫീസിന്റെ വാതില്‍ കരിഞ്ഞു.

ജനല്‍ഗ്ലാസുകള്‍ എറിഞ്ഞ് തകര്‍ക്കുകയും ചെയ്തു. മൂന്ന് ഗ്ലാസ്സുകള്‍ തകര്‍ന്നു. നാല് പേരടങ്ങുന്ന സംഘമാണ് ആക്രമണം നടത്തിയത്. സംഭവമറിഞ്ഞ് പോലീസ് സ്ഥലത്തെത്തി. ഓഫീസിന് പോലീസ് കാവല്‍ ഏര്‍പ്പെടുത്തിയിട്ടുണ്ട്. മുല്ലപ്പള്ളിയുടെ ഓഫീസിനു നേരേ അക്രമം ഉണ്ടായേക്കാമെന്ന രഹസ്യാന്വേഷണ റിപ്പോര്‍ട്ട് പോലീസ് ഗൗരവത്തോടെ എടുത്തില്ലെന്ന് ആക്ഷേപമുണ്ട്.

സംഭവമറിഞ്ഞ് കെ.പി.സി.സി. ജനറല്‍ സെക്രട്ടറി സുമ ബാലകൃഷ്ണന്‍ ഓഫീസ് സന്ദര്‍ശിച്ചു. കോണ്‍ഗ്രസ്സിന്റെ കോട്ടപ്പള്ളി ഓഫീസിന് നേരേയും ആക്രമണമുണ്ടായി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News

No comments:

Post a Comment

Copyright © 2019 MALABAR FLASH | Design & Maintained by KSDM

Powered by Blogger.