മുഹിമ്മാത്തില്‍ ഇസ്സുദ്ദീന്‍ സഖാഫി അനുസ്മണ സംഗമത്തില്‍ ആയിരങ്ങളെത്തി

പുത്തിഗെ: കഴിഞ്ഞ ബുധനാഴ്ച അന്തരിച്ച പ്രമുഖ പണ്ഡിതനും മുഹിമ്മാത്ത് ജനറല്‍ മാനേജരുമായ മര്‍ഹൂം എ.കെ ഇസ്സുദ്ദീന്‍ സഖാഫിയുടെ അനുസ്മരണ ഭാഗമായി മുഹിമ്മാത്ത് ക്യാമ്പസില്‍ സംഘടിപ്പിച്ച സമ്മേളനവും ദിക്‌റ് ദുആ മജ്‌ലിസും സമാപിച്ചു. മുഹിമ്മാത്തിന്റ മുന്നേറ്റത്തിനായി ജീവിതമുഴുഞ്ഞു വെച്ച ഇസ്സുദ്ദീന്‍ സഖാഫിയുടെ ഓര്‍മകളിരമ്പിയ  പ്രൗഡ സദസ്സില്‍ ആയിരങ്ങളാണ് എത്തിച്ചേര്‍ന്നത്.

മുഹിമ്മാത്ത് പ്രസിഡന്റ്  കാന്തപുരം എ. പി അബൂബക്കര്‍ മുസ്ലിയാര്‍ പരിപാടി ഉദ്ഘാടനം ചെയ്തു. ഇസ്സുദ്ദീന്‍ സഖാഫി പ്രസ്ഥാനത്തിനും മുഹിമ്മാത്തിനുമായി ചെയ്ത സേവനങ്ങള്‍ എക്കാലത്തും സ്മരിക്കപ്പെടുമെന്ന് അദ്ദേഹം പറഞ്ഞു. സഖാഫിയുടെ പരലോക ജീവിത സൗഖ്യത്തിനായി പ്രാര്‍ഥന നടത്തുകയും കുടുംബത്തിന് താങ്ങാവുകയും വേണമെന്ന് കാന്തപുരം ആവശ്യപ്പെട്ടു.

സയ്യിദ് ഹസന്‍ അഹ്ദല്‍ തങ്ങള്‍, സയ്യിദ് ഇബ്രാഹീം പൂക്കുഞ്ഞി തങ്ങള്‍, സയ്യിദ് മുനീറുല്‍ അഹ്ദല്‍ സഖാഫി, ബി.എസ് അബ്ദുല്ല കുഞ്ഞി ഫൈസി, ബെള്ളിപ്പാടി അബ്ദുല്ല മുസ്ലിയാര്‍ പള്ളങ്കോട് അബ്ദുല്‍ ഖാദിര്‍ മദനി, സി.അബ്ദുല്ല മുസ്ലിയാര്‍ ഉപ്പള, സയ്യിദ് പൂക്കുഞ്ഞി തങ്ങള്‍ ആദൂര്‍, ശിഹാബുദ്ദീന്‍ തങ്ങള്‍ ആന്ത്രോത്ത്, അഹ്മദ് കബീര്‍ ജമലുല്ലൈലി തങ്ങള്‍, ഇസ്മാഈല്‍ ബാഫഖി തങ്ങള്‍ മുഹിമ്മാത്ത്, എസ് കെ കുഞ്ഞിക്കോയ തങ്ങള്‍ ചൗക്കി, സയ്യിദ് ശറഫുദ്ദീന്‍ ഹിമമി തങ്ങള്‍ കൊടക്, കുഞ്ഞിക്കായ തങ്ങള്‍ നീര്‍ച്ചാല്‍, സിദ്ദീഖ് സഖാഫി തിരുവനന്തപുരം, സുലൈമാന്‍ കരിവെള്ളൂര്‍, ഉസ്മാന്‍ ഹാജി മിത്തൂര്‍, കെ.പി. ഹുസൈന്‍ സഅദി കെ സി റോഡ്,തുടങ്ങിയവര്‍ സംബന്ധിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News