ജില്ലാ ഉദ്യോഗസ്ഥന്മാരുടെ അനാസ്ഥ അവസാനിപ്പിക്കണം: ജില്ലാ ഓര്‍ഫനേജ് അസോസിയേഷന്‍

കാസര്‍കോട്: ജില്ലയിലെ അനാഥ അഗതി സ്ഥാപനങ്ങള്‍ക്ക് സംസ്ഥാന സര്‍ക്കാര്‍ അനുവദിച്ച സഹായങ്ങള്‍ യഥാസമയം ലഭ്യമാവുന്നതിന് ജില്ലാ ഉദ്യോഗസ്ഥന്മാരുടെ ഭാഗത്തുനിന്നുള്ള അനാസ്ഥ ഒഴിവാക്കി യഥാസമയം ആനുകൂല്യങ്ങള്‍ ലഭ്യമാക്കണമെന്ന് താളിപ്പടുപ്പ് ശ്രീ സത്യസായി അഭയനികേതന്‍ ഓര്‍ഫനേജില്‍ ചേര്‍ന്ന ജില്ലാ ഓര്‍ഫനേജ് ആന്റ് അഥര്‍ ചാരിറ്റബിള്‍ ഇന്‍സ്റ്റിറ്റിയൂഷന്‍ വാര്‍ഷിക ജനറല്‍ബോഡി യോഗം ആവശ്യപ്പെട്ടു.

ഇതുസംബന്ധിച്ച് ജില്ലാ കലക്ടര്‍ക്കും വകുപ്പ് മന്ത്രിക്കും നിവേദനം നല്‍കാന്‍ തീരുമാനിച്ചു. യോഗം ജില്ലാ പ്രസിഡന്റ് മുഹമ്മദ് മുബാറക് ഹാജിയുടെ അധ്യക്ഷതയില്‍ ജില്ലാ സാമൂഹ്യക്ഷേമ ജൂനിയര്‍ സൂപ്രണ്ട് പി പി നാരായണന്‍ ഉദ്ഘാടനം ചെയ്തു. 

ജനറല്‍ സെക്രട്ടറി എസ് എ അബ്ദുല്‍ ഹമീദ് മൗലവി വാര്‍ഷിക റിപ്പോര്‍ട്ടും കണക്കും അവതരിപ്പിച്ചു. സി മുഹമ്മദ്കുഞ്ഞി, ബി അബ്ദുല്ലക്കുഞ്ഞി, അഡ്വ. കരോടി ഖാദര്‍, അയ്യൂബ് പച്ചമ്പളം, ഉമര്‍ സഖാഫി, അബ്ദുല്‍ ഫത്താഹ്, എം ജെ വര്‍ഗീസ്, ഹസന്‍കുഞ്ഞി മള്ഹര്‍ തുടങ്ങിയവര്‍ ചര്‍ച്ചയില്‍ സംബന്ധിച്ചു.

ഭാരവാഹികള്‍: എ എം മുബാറക് ഹാജി (പ്രസി.), സി എച്ച് ഇബ്‌റാഹിം മാസ്റ്റര്‍ കാഞ്ഞങ്ങാട്, കെ സി ജോസഫ് ചിറ്റാരിക്കാല്‍, സിസ്റ്റര്‍ തെരേസ കടുമേനി (വൈസ് പ്രസി.), എസ് എ ഹമീദ് മൗലവി ആലംപാടി (ജന.സെക്ര.), ഹസൈനാര്‍ തളങ്കര, പ്രേംപ്രകാശ് താളിപ്പടുപ്പ് (ജോ.സെക്ര.), കെ അബ്ദുശുക്കൂര്‍ കൈതക്കാട് (ട്രഷറര്‍).

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News