മൊബൈൽഫോൺ റീചാർജിലും ഓ​ൺ​ലൈ​ൻ തട്ടിപ്പ്

കൊ​ല്ലം: പ്രീ​-​പെ​യ്ഡ് മൊ​ബൈൽ ഫോൺ റീ​ച്ചാ​ർ​ജിം​ഗ് സ്ഥാ​പ​ന​ങ്ങൾ ന​ട​ത്തു​ന്ന​വർ ജാ​ഗ്ര​തൈ. നി​ങ്ങ​ളു​ടെ പ​ണം ഏ​തു​നി​മി​ഷ​വും ഓ​ൺ​ലൈ​നാ​യി ത​ട്ടി​യെ​ടു​ക്ക​പ്പെ​ടും. ഒട്ടേറെ പേ​ർ​ക്ക് ഇ​ത്ത​ര​ത്തിൽ പ​ണം ന​ഷ്ട​മാ​യി​ക്ക​ഴി​ഞ്ഞു. അ​ടു​ത്ത ഇര നി​ങ്ങ​ളാകാം.
കൊ​ല്ല​ത്ത് ഇ​ത്ത​രം ത​ട്ടി​പ്പി​ലൂ​ടെ വി​വിധ സ്ഥാ​പ​ന​ങ്ങ​ളിൽ നി​ന്നാ​യി ഒ​രു ​ല​ക്ഷ​ത്തോ​ളം രൂപ ക​ഴി​ഞ്ഞ​ ദി​വ​സം ന​ഷ്ട​മാ​യി. 08764880010 എ​ന്ന ന​മ്പ​രിൽ നി​ന്നാ​ണ് ഒ​രി​ട​ത്ത് വി​ളി വ​ന്ന​ത്. ഈ സ്ഥാ​പ​ന​ത്തിൽ നി​ന്ന് എ​യ​ർ​ടെൽ ക​ണ​ക്‌ഷനായ 9635262889 എ​ന്ന ന​മ്പ​രി​ലേ​ക്കാ​ണ് 1200 രൂപ '​പോ​യ​ത്'. പ​ശ്ചി​മ​ബം​ഗാ​ളി​ലെ ഫോൺ ആ​ണെന്ന് ക​സ്റ്റ​മർ കെ​യ​റിൽ നി​ന്നറി​യാൻ ക​ഴി​ഞ്ഞു. വി​ളി​ച്ച​പ്പോൾ ഹി​ന്ദി​യി​ലും ഇം​ഗ്ലീ​ഷി​ലും മാ​റി​മാ​റി​യു​ള്ള തെറിയഭിഷേകമാ​യി​രു​ന്നു മ​റു​പ​ടി.

ത​ട്ടി​പ്പ് രീ​തി ഇ​ങ്ങ​നെ:
റീ ചാ​ർ​ജിം​ഗി​ന് ഉ​പ​യോ​ഗി​ക്കു​ന്ന ഫോ​ണി​ലേ​ക്ക് ഒ​രു റോ​മിം​ഗ് കാൾ വ​രു​ന്നു. ബി.​എ​സ്.എ​ൻ​.എ​ല്ലി​ന്റെ ക​സ്റ്റ​മർ കെ​യ​റിൽ നി​ന്നാ​ണെ​ന്നോ '​ട്രാ​യ് '​(​ടെ​ലി​ഫോൺ റ​ഗു​ലേ​റ്റ​റി അ​തോ​റി​ട്ടി ഒഫ് ഇ​ന്ത്യ) ഉ​ദ്യോ​ഗ​സ്ഥ​നാ​ണെ​ന്നോ ഒ​ക്കെ​യാ​വും പ​രി​ച​യ​പ്പെ​ടു​ത്തു​ക. സം​സാ​രി​ക്കു​ന്ന​ത് ഹി​ന്ദി​യോ ഇം​ഗ്ലീ​ഷോ ആ​കും. ഉ​പ​യോ​ഗി​ക്കു​ന്ന മൊ​ബൈൽ ഫോൺ ക​മ്പ​നി​ക​ളു​ടെ വി​വ​ര​ങ്ങ​ളും ഹാ​ൻ​ഡ്സെ​റ്റു​ക​ളു​ടെ വി​വ​ര​ങ്ങ​ളും പേ​ഴ്സ​ണൽ ഫോൺ ന​മ്പ​രു​മൊക്കെ ചോ​ദി​ച്ച​റി​യും. പി​ന്നെ പേ​ഴ്സ​ണൽ ന​മ്പ​രി​ലേ​ക്കു വി​ളി​ച്ച് നി​ർ​ദ്ദേ​ശ​ങ്ങ​ൾ​ക്ക​നു​സ​രി​ച്ച് ഇ.​സി റീ​ചാ​ർ​ജ് ചെ​യ്യു​ന്ന ഫോ​ണിൽ ന​മ്പ​രു​കൾ അ​മ​ർ​ത്തി ഓ​പ്ഷ​നു​കൾ തി​ര​ഞ്ഞെ​ടു​ക്കാൻ ആ​വ​ശ്യ​പ്പെ​ടും. ഇ​തു ​ക​ഴി​ഞ്ഞാ​ലു​ടൻ ഫോൺ ഓ​ഫ് ചെ​യ്തി​ട്ട് അ​ടു​ത്ത ക​മ്പ​നി​യു​ടെ റീ​ച്ചാ​ർ​ജ് ഫോൺ എ​ടു​പ്പി​ച്ച് നി​ർ​ദ്ദേ​ശ​ങ്ങൾ ആ​വ​ർ​ത്തി​ക്കും. ഒടുവിൽ മൊ​ബൈൽ ഓൺ ചെ​യ്യു​മ്പോൾ ബാ​ല​ൻ​സിൽ നി​ന്ന് ആ​യി​ര​ങ്ങൾ ന​ഷ്ട​പ്പെ​ട്ട​താ​യു​ള്ള മെ​സ്സേ​ജ് ആ​യി​രി​ക്കും ല​ഭി​ക്കു​ന്ന​ത്.

ക​സ്റ്റ​മർ കെ​യ​റി​ലേ​ക്ക് വി​ളി​ച്ചാൽ ഒ​ന്നു​മ​റി​യി​ല്ലെ​ന്ന മ​റു​പ​ടി​യാ​ണ് ല​ഭി​ക്കു​ക. ചില സേ​വ​ന​ദാ​താ​ക്കൾ ചാ​ർ​ജിം​ഗ് ഫോ​ണിൽ നി​ന്ന് പ​ണം ല​ഭി​ച്ച ഫോ​ണു​ക​ളു​ടെ ന​മ്പർ ല​ഭ്യ​മാ​ക്കു​മെ​ങ്കി​ലും അ​ത് കേ​ര​ള​ത്തി​നു പു​റ​ത്താ​യ​തി​നാൽ പ​ണം തി​രി​ച്ചു പി​ടി​ക്കാ​നാ​കി​ല്ലെ​ന്ന് പ​റ​ഞ്ഞ് കൈയൊഴി​യും. പ​ണം ന​ഷ്ട​മാ​യ​ മെ​സേ​ജ് അ​റി​യാ​തി​രി​ക്കാ​നാ​ണ് ഫോൺ ഓ​ഫ് ചെ​യ്തു​വ​ച്ചശേ​ഷം അ​ടു​ത്ത ഫോണെ​ടു​ത്ത് നി​ർ​ദ്ദേ​ശ​പ്ര​കാ​രം ചെ​യ്യാൻ പ​റ​യു​ന്ന​ത്.

Keralakaumudi

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News