കോഴിക്കോട്ടെ വിദ്യാര്‍ഥിനി തൃക്കരിപ്പൂരില്‍ ട്രെയിന്‍ തട്ടി മരിച്ചു

തൃക്കരിപ്പൂര്‍: കോഴിക്കോട്ടു നിന്ന് തൃക്കരിപ്പൂരിലെ സുഹൃത്തിന്റെ വീട്ടിലേക്ക് വരികയായിരുന്ന ബിസിനസ് ബിരുദ വിദ്യാര്‍ഥിനി ട്രെയിനും പ്ലാറ്റ്‌ഫോമിനും ഇടയില്‍ പെട്ട് ദാരുണമായി കൊല്ലപ്പെട്ടു. 

കോഴിക്കോട് കല്ലായി ചക്കുംകടവ് കെ.പി.സി.റഫീഖിന്റെ മകളും കോയമ്പത്തൂര്‍ സി.എം.സി.കോളജില്‍ ബി.ബി.എം.സി. വിദ്യാര്‍ഥിനിയുമായ റഫ് സീന(19) ആണ് മരിച്ചത്.
വെള്ളിയാഴ്ച രാവിലെ ഒന്‍പതോടെയാണ് സംഭവം. കൂടെയുണ്ടായിരുന്ന സഹോദരി റിനോഷ(13)രക്ഷപ്പെട്ടു. 

തിരുവനന്തപുരം മംഗലാപുരം എക്‌സ്പ്രസിനു തൃക്കരിപ്പൂരില്‍ ഇറങ്ങിയ കുട്ടികള്‍ പോസ്റ്റ് ഓഫീസിനു മുന്നിലൂടെയുള്ള റോഡിലേക്ക് ഇറങ്ങുന്നതിനായി പാളം മുറിച്ചു കടന്ന് രണ്ടാം പ്ലാറ്റ്‌ഫോമിലേക്ക് കയറുന്നതിനിടയില്‍ മംഗലാപുരം ഭാഗത്ത് നിന്ന് വന്ന എഗ്മോര്‍ എക്‌സ്പ്രസിനു മുന്നില്‍ അകപ്പെടുകയായിരുന്നു.

പാളം കടക്കാന്‍ മേല്‍പ്പാലം ഇല്ലാത്തതിനാല്‍ യാത്രക്കാര്‍ ട്രാക്കിലൂടെയാണ് റോഡിലേക്ക് വരുന്നത്. ട്രാക്കില്‍ നിന്ന് പ്ലാറ്റ് ഫോമിലേക്ക് കയറവേ ട്രെയിന്‍ വരുന്നത് കണ്ടു റിനോഷ ചാടി മാറി. മുകളിലേക്ക് കയറി തുടങ്ങിയ റഫ് സീന സ്തംഭിച്ചു നിന്നു പോയി. സെക്കന്റുകള്‍ക്കകം എല്ലാം കഴിഞ്ഞു.

പഠനത്തിന്റെ ഭാഗമായി നേരത്തെ തയാറാക്കിയ പ്രോജക്ടിന്റെ പേപ്പറുകള്‍ സുഹൃത്തായ എടാട്ടുമ്മലിലെ ശ്രുതിയുടെ വീട്ടില്‍ നിന്ന് ശേഖരിക്കാനാണ് അനിയത്തിയെയും കൂട്ടി റഫ് സീന വന്നത്. മാതാവ്: കച്ചിബി. മറ്റു സഹോദരങ്ങള്‍ :റഫ് സാന്‍, കെ.ജി.വിദ്യാര്‍ഥി.

Trikarpurnews

Keywords: Malappuram News, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News