മോഷണ വാഹനങ്ങളില്‍ കറങ്ങി മാലപിടിച്ചുപറി രണ്ട് പേരെ പോലീസ് അറസ്റ്റ് ചെയ്തു

തിരുവനന്തപുരം: മോഷണ വാഹനങ്ങളില്‍ കറങ്ങി മാലപിടിച്ചുപറി നടത്തി വരികയായിരുന്ന സംഘത്തിലെ രണ്ട് പേരെ പൂജപ്പുര പോലീസ് അറസ്റ്റ് ചെയ്തു.

കാഞ്ഞിരപ്പള്ളി സ്വദേശികളായ അല്‍അമീന്‍ (34), സന്ദീപ് (24) എന്നിവരാണ് അറസ്റ്റിലായത്. മണക്കാട് സ്വദേശിനിയുടെ മാലപിടിച്ചുപറി കേസുമായി ബന്ധപ്പെട്ട് പോലീസ് നടത്തിയ അന്വേഷണത്തിലാണ് ഇരുവരും പിടിയിലായത്.

മോഷ്ടിച്ച വാഹനങ്ങളിലെത്തി സ്ത്രീകളോട് വിലാസം ചോദിക്കാനെന്ന വ്യാജേന വാഹനം നിര്‍ത്തിയ ശേഷം മാലപിടിച്ചുപറി നടത്തി രക്ഷപ്പെടുകയായിരുന്നു ഇവരുടെ രീതിയെന്ന് പോലീസ് പറഞ്ഞു. പ്രതികള്‍ ഉപയോഗിച്ചിരുന്ന ഒരു കാറും ബൈക്കും പോലീസ് പിടിച്ചെടുത്തു.

വഞ്ചിയൂരില്‍ നിന്നും മോഷ്ടിച്ച ബൈക്കിലും കാഞ്ഞിരപ്പള്ളിയില്‍ നിന്നും മോഷ്ടിച്ച കാറിലും കറങ്ങിയാണ് ഇവര്‍ മാലപിടിച്ചുപറി നടത്തി വന്നിരുന്നതെന്ന് പോലീസ് പറഞ്ഞു. ഇവരുടെ പേരില്‍ അഞ്ചല്‍, കാഞ്ഞിരപ്പള്ളി, കോട്ടയം, പാരിപ്പള്ളി, നെടുമങ്ങാട്, ആര്യനാട് എന്നീ പോലീസ് സ്റ്റേഷനുകളിലായി 36 കേസുകള്‍ നിലവിലുണ്ടെന്ന് പോലീസ് പറഞ്ഞു. പ്രതികളെ ശനിയാഴ്ച കോടതിയില്‍ ഹാജരാക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Thiruvanathapuram, Police, Arrested, Case