കനിഹ വീണ്ടും; ഗ്രീന്‍ ആപ്പിള്‍

പഴശിരാജയിലൂടെ മലയാളത്തില്‍ ശ്രദ്ധേനേടിയ നടിയാണ് കനിഹ. അഞ്ചുവയസുള്ള കുട്ടിയുടെ അമ്മയായാണ് കനിഹ തന്റെ പുതിയ ചിത്രത്തില്‍ അഭിനയിക്കുന്നത്. ഹരിദാസ് സംവിധാനം ചെയ്ത ഗ്രീന്‍ആപ്പിള്‍ എന്ന ചിത്രത്തിലാണ് കനിഹയുടെ പുതിയ വേഷം. ഈ ചിത്രത്തിന്റെ ഷൂട്ടിംഗ് കോഴിക്കോട്ട് തുടരുന്നു.

അഭിരാമി എന്ന കഥാപാത്രത്തെയാണ് കനിഹ അവതരിപ്പിക്കുന്നത്. നഗരത്തിലെ ഒരു കാര്‍ ഷോറൂമിലെ ജീവനരക്കാരിയാണ് അവള്‍. നഗരത്തിലെ മറ്റൊരു സ്ഥാപനത്തിലെ ഉദ്യോഗസ്ഥനായ ലിയോ ജോണുമായി ഇഷ്ടത്തിലാവുകയും വീട്ടുകാരുടെ താല്‍പര്യങ്ങള്‍ നോക്കാതെ വിവാഹിതരാവുകയും ചെയ്തു. നഗരത്തിലെ ഒരു ഫ്‌ളാറ്റില്‍ സന്തോഷകരമായ ഒരു ജീവിതം ആരംഭിക്കുകയും ചെയ്തു.

അഭിരാമിക്ക് ലിയോടുള്ള സ്‌നേഹം അതിരറ്റതാണ്. ലിയോയ്ക്കും. ഇതിനടയില്‍ അവര്‍ക്കൊരു കുഞ്ഞു പിറന്നു-പിങ്കി. പിങ്കിയ്ക്ക് അഞ്ചുവയസായി. അപ്പോഴും അഭിരാമിക്ക് ലിയോടുള്ള സ്‌നേഹം നൂറിരട്ടിയായിരുന്നു. സ്‌നേഹിച്ചു മല്‍സരിക്കുന്ന ഒരു ഭാര്യ. അങ്ങനെയിരിക്കെ അഭിരാമിയുടേതു പോലെ സമാന സങ്കല്‍പങ്ങളുള്ള മാധവദാസ് അവരുടെ ജീവിതത്തിലേയ്ക്ക് കടന്നു വരുന്നു.

ഇവിടെയാണ് കഥയുടെ വഴിത്തിരിവ്വ സംഭവിക്കുന്നത്. ലിയോ ജോണായി ടിനിടോമും മാധവദാസായി പ്രതാപ്‌പോത്തനും അഭിനയിക്കുന്നു. എസ്.ജെ.സിനിമാസിന്റെ ബാനറില്‍ എം.ശ്രീനാഥും മോത്തിജേക്കബ് കൊടിയാട്ടും ചേര്‍ന്ന് നിര്‍മ്മിക്കുന്ന ഈ ചിത്രത്തിന്റെ ഛായാഗ്രഹണം സജിത്ത്‌മേനോന്‍ നിര്‍വഹിക്കുന്നു. പ്രൊഡക്ഷന്‍ കണ്‍ട്രോളര്‍-ഷാജിപട്ടിക്കര.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Malayalam Movie, Kaniha, Green Apple