ഡ്യൂട്ടി കഴിഞ്ഞ് മടങ്ങിയ ഹോം ഗാർഡ് ബൈക്കപകടത്തിൽ മരിച്ചു

തിരുവനന്തപുരം: ഡ്യൂട്ടി കഴിഞ്ഞ് വീട്ടിലേയ്ക്ക് മടങ്ങവെ ബൈക്ക് അപകടത്തിൽ ഹോം ഗാർഡ് മരണമടഞ്ഞു. ഒപ്പം സഞ്ചരിച്ചിരുന്ന പൊലീസുകാരന് ഗുരുതരമായി പരിക്കേറ്റു. നെയ്യാറ്റിൻകര തൊഴുക്കൽ തെക്കേമന്നംവിള വീട്ടിൽ സുധാകരനാണ് (50) മരിച്ചത്. ഇദ്ദേഹത്തോടൊപ്പം ബൈക്കിലുണ്ടായിരുന്ന നെയ്യാറ്റിൻകര പരശുവയ്ക്കൽ സ്വദേശി തങ്കമണിയ്ക്ക് (45) ഗുരുതരമായി പരിക്കേറ്റു.

ചൊവ്വാഴ്ച പുലർച്ചെ 5 മണിക്ക് വെള്ളായണിയിൽ വച്ചായിരുന്നു അപകടം. വഞ്ചിയൂർ പൊലീസ് സ്റ്റേഷനിലെ പൊലീസുകാരനാണ് തങ്കമണി.

ഫയർ ഫോഴ്സിലെ ഹോം ഗാർഡായ സുധാകരൻ ഉപരോധസമരത്തെത്തുടർന്ന് വഞ്ചിയൂർ പൊലീസ് സ്റ്റേഷനിൽ ഡ്യൂട്ടിയ്ക്ക് നിയോഗിച്ചതായിരുന്നു. ഇരുവരും തിങ്കളാഴ്ച രാത്രിയിലെ ഡ്യൂട്ടി കഴിഞ്ഞ് ബൈക്കിൽ നെയ്യാറ്റിൻകര ഭാഗത്തേയ്ക്ക് പോകവെ എതിരെ വന്ന ഇന്നോവ കാർ ഇടിക്കുകയായിരുന്നു. ഗുരുതരാവസ്ഥയിലായിരുന്ന സുധാകരൻ മെഡിക്കൽ കോളേജ് ആശുപത്രിയിൽ വച്ചാണ് മരിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News