പോപ് ഇതിഹാസതാരം മൈക്കല്‍ ജാക്‌സനും ഒരു സ്വപ്‌നമുണ്ടായിരുന്നു

ലോകം മുഴുവന്‍ ആരാധകരുണ്ടായിരുന്ന പോപ് ഇതിഹാസതാരം മൈക്കല്‍ ജാക്‌സനും ഒരു സ്വപ്‌നമുണ്ടായിരുന്നു. അദ്ദേഹത്തിന്റെ മുന്‍ മാനേജര്‍ ഡയറ്റര്‍ വെയ്‌സ്‌നറാണ് പോപ്പ് രാജാവിന്റെ സ്വപ്‌നം വെളിപ്പെടുത്തിയത്. 

യൂണിവേഴ്‌സല്‍ പിക്‌ചേഴ്‌സ് വാങ്ങി സൂപ്പര്‍ഹീറോ ചിത്രങ്ങളില്‍ അഭിനയിക്കണമെന്നതായിരുന്നുവത്രേ മൈക്കലിന്റെ സ്വപ്നം.

സൂപ്പര്‍ഹീറോ ചിത്രങ്ങളില്‍ അയേണ്‍ മാനാണ് മൈക്കലിനെ ഏറ്റവും ആകര്‍ഷിച്ചത്. വെള്ളിത്തിരയില്‍ അയേണ്‍ മേനാകാന്‍ മൈക്കല്‍ കൊതിച്ചിരുന്നതായും അദ്ദേഹത്തിന്റെ മുന്‍ മാനേജര്‍ വെളിപ്പെടുത്തി. അതിനുവേണ്ടി സ്വന്തമായി സ്റ്റുഡിയോ നിര്‍മ്മിക്കാനും മൈക്കലിന് പദ്ധതിയുണ്ടായിരുന്നു.

എന്നാല്‍ 1990കളില്‍ മൈക്കല്‍ ജാക്‌സണുമായി ബന്ധപ്പെട്ട് ഉയര്‍ന്ന വിവാദങ്ങളാണ് അദ്ദേഹത്തിന്റെ സ്വപ്‌നങ്ങള്‍ക്ക് വിലങ്ങുതടിയായത്. മൈക്കല്‍ കുട്ടികളെ ലൈംഗികമായി പീഡിപ്പിച്ചെന്ന് മിറര്‍ വാര്‍ത്ത കൊടുത്തതോടെയാണ് വിവാദങ്ങളുടെ തുടക്കം. വലിയതോതില്‍ പണം മുടക്കിയാണ് മൈക്കല്‍കേസുകള്‍ പലതും ഒത്തുതീര്‍പ്പാക്കിയതെന്നും റിപ്പോര്‍ട്ടുകളുണ്ടായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Pop singer, Michael Jackson, dreams