അറുപതുകാരനെ അനാശാസ്യത്തിനു പ്രേരിപ്പിച്ച് പണംതട്ടിയ യുവതി അറസ്റ്റില്‍

ഗുരുവായൂര്‍: അനാശാസ്യത്തിന് പ്രേരിപ്പിച്ച് പണവും വിലപിടിപ്പുള്ള സാധനങ്ങളും തട്ടിയെടുക്കുന്ന യുവതിയെ ഗുരുവായൂര്‍ പോലീസ് അറസ്റ്റുചെയ്തു. വടക്കേക്കാട് വാലിയില്‍ ഷമീറ(35)യെയാണ് ഗുരുവായൂര്‍ എസ്‌ഐ ടി.ജി.ദിലീപിന്റെ നേതൃത്വത്തിലുള്ള പോലീസ് സംഘം അറസ്റ്റുചെയ്തത്. തൃശൂര്‍ സ്വദേശിയായ 60കാരന്റെ പരാതി പ്രകാരമാണ് യുവതിയെ പിടികൂടിയത്.

കഴിഞ്ഞ വ്യാഴാഴ്ച രാത്രി എട്ടുമണിയോടെ മഞ്ജുളാല്‍ പരിസരത്ത് ഇരിക്കുകയായിരുന്ന പരാതിക്കാരന്റെ അടുത്തെത്തിയ ഷമീറ ലോഡ്ജില്‍ മുറിയെടുത്ത് നല്‍കാമെന്ന് പറഞ്ഞ് തന്ത്ര പൂര്‍വ്വം 1025 രൂപയും മൊബൈല്‍ഫോണും കവരുകയായിരുന്നു. ഗുരുവായൂരിലെത്തുന്ന പുരുഷന്മാരെ വശീകരിച്ച് പണം തട്ടുന്നത് ഷമീറയുടെ പതിവാണെന്ന് പോലീസ് പറഞ്ഞു. എന്നാല്‍ മാനക്കേട് ഓര്‍ത്ത് ആരും രേഖാമൂലം പരാതി പെടാറില്ലെന്നും പോലീസ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News