നമ്പർ ചതിച്ചു: ഹനീഫ `മെമ്പറാ'യി

തു​റ​വൂ​ർ​:​ ​ആദ്യം ഓർത്തു. ഗൾഫിൽ നിന്ന് നാട്ടിലെത്തിയ തന്റടുത്ത് ആരെങ്കിലും `നമ്പറി'ടുകയാണോയെന്ന്. എങ്ങനെ തോന്നാതിരിക്കും. വീടുവേണം, ആടു വേണം, അപേക്ഷ എപ്പോൾ തരണം എന്നൊക്കെയാ ചോദ്യങ്ങൾ. ശ്ശെടാ, ഇതൊക്കെ കൊടുക്കാൻ താനെന്താ ഒരു പഞ്ചായത്തോ, പ്രസ്ഥാനവുമാണോയെന്ന സംശയമായി ഹനീഫയ്ക്ക്. ഒടുവിലാ പിടികിട്ടിയത്. ആരും നമ്പറിട്ടതല്ല. നമ്പർ തെറ്റിയതിന്റെ പേരിൽ കിട്ടിയ പണിയാണെന്ന്.

സംഭവത്തിലെ വില്ലൻ തു​റ​വൂ​ർ​ ഗ്രാമ ​പ​ഞ്ചാ​യ​ത്തി​ന്റെ​ ​ഗ്രാ​മ​സ​ഭാ​ ​അ​റി​യി​പ്പ് ​നോ​ട്ടീസാണ്. ​എ​ട്ടാം​ ​വാ​ർ​ഡി​ലെ​ ​ഗ്രാ​മ​സ​ഭാ​ ​നോ​ട്ടീ​സിൽ മെമ്പറുടെ നമ്പറിനു പകരം തെറ്റായി അച്ചടിച്ചിരുന്നത് ​മ​ല​പ്പു​റം​ ​ജി​ല്ല​യി​ലെ​ ​കു​റ്റി​പ്പു​റം​ ​സ്വ​ദേ​ശി​ ​ഹ​നീ​ഫ​യു​ടെ​ ​ഫോ​ൺ​ ​ന​മ്പ​ർ​.

നോട്ടീസടിച്ചപ്പോൾ പ്രസുകാർക്ക് തെറ്റ് പറ്റി ​ത​ന്റെ​ ​ന​ന്പ​റിലെ അക്കങ്ങൾ മാറിപ്പോയതാണെന്ന് വാർഡ് മെമ്പർ ​ഷീ​ലാ​മ്മ​ ​അ​നി​രു​ദ്ധ​ൻ​ ​പ​റ​ഞ്ഞു. ഒ​ൻ​പ​തി​നാ​ണ് ​ഗ്രാ​മ​സ​ഭ.​ ​നോ​ട്ടീ​സി​ൽ​ ​ഉ​ണ്ടാ​യി​രു​ന്ന​ ​ന​മ്പ​റി​ൽ​ ​ഗു​ണ​ഭോ​ക്താ​ക്ക​ൾ​ ​വി​ളി​ച്ച​പ്പോ​ഴാ​ണ് ​ഹ​നീ​ഫ​യെ​ ​കി​ട്ടി​യ​ത്. വി​ദേ​ശ​ത്താ​യി​രു​ന്ന​ ​ഹ​നീ​ഫ​ ​ആ​ഴ്ച​ക​ൾ​ക്ക് ​മു​ൻ​പാ​ണ് ​നാ​ട്ടി​ലെ​ത്തി​യ​ത്.​ ​നാ​ട്ടി​ലെ​ത്തി​യ​ ​ശേ​ഷ​മാ​ണ് ​സിം​കാ​ർ​ഡ് ​എ​ടു​ത്ത​ത്.​ അത് ഇത്ര പുലിവാലാകുമെന്ന് കരുതിയില്ല. ഒരു വാർഡിലെ പ്രശ്നം `അന്തർജില്ലാ' പ്രശ്നമായി മാറിയത് മിച്ചം!

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Thuravur, Haneefa, Member