മകനോടൊപ്പം ബൈക്കില്‍ സഞ്ചരിക്കവേ റോഡില്‍വീണ സ്ത്രീ ബസ് കയറി മരിച്ചു

തൃത്താല: മകനോടൊപ്പം ബൈക്കില്‍ സഞ്ചരിക്കവേ റോഡില്‍ വീണ സ്ത്രീ ബസ് കയറി മരിച്ചു. പരുതൂര്‍ കളരിക്കല്‍വീട്ടില്‍ ശ്രീനാരായണന്റെ ഭാര്യ പുഷ്പവല്ലി (47) ആണ് മരിച്ചത്. പട്ടാമ്പി പാലത്തിനുസമീപം ശനിയാഴ്ച രാവിലെ പന്ത്രണ്ടോടെയാണ് സംഭവം.

പരുതൂരില്‍നിന്ന് പട്ടാമ്പിയിലെ സ്വകാര്യ ആസ്​പത്രിയിലേക്ക് മകന്‍ ശങ്കരസുധനോടൊപ്പം ബൈക്കില്‍ വരുമ്പോഴാണ് അപകടം. ഇവര്‍ സഞ്ചരിച്ചിരുന്ന ബൈക്ക് മറ്റൊരു ബൈക്കില്‍ തട്ടിയതിനെത്തുടര്‍ന്ന് പുഷ്പവല്ലി റോഡില്‍ വീണു. വീണയുടനെ എതിരെവന്ന ബസ് പുഷ്പവല്ലിയുടെ ദേഹത്തുകൂടെ കയറുകയായിരുന്നു. സംഭവസ്ഥലത്തുവെച്ചുതന്നെ മരിച്ചു. 

പട്ടാമ്പിയില്‍നിന്ന് തൃത്താല ഭാഗത്തേക്ക് പോകുകയായിരുന്നു ബസ്. തൃത്താല പോലീസ് സ്ഥലത്തെത്തി മേല്‍നടപടി സ്വീകരിച്ചു. മറ്റുമക്കള്‍: ഗ്രീഷ്മ, ശ്രീജ.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News