വിവാഹാഭ്യര്‍ഥന നിരസിച്ച യുവതിയെ കുത്തിപരിക്കേല്‍പിച്ച യുവാവ് പിടിയില്‍

മൂന്നാര്‍: വിവാഹാഭ്യര്‍ഥന നിരസിച്ച സര്‍ക്കാര്‍ ജീവനക്കാരിയായ യുവതിയെ കത്തികൊണ്ട് കുത്തി പരിക്കേല്‍പിച്ച യുവാവിനെ പോലീസ് അറസ്റ്റുചെയ്തു. തമിഴ്‌നാട് തിരുനല്‍വേലി സ്വദേശി കോവില്‍ദുരൈ(35)യാണ് ദേവികുളം പോലീസ് അറസ്റ്റുചെയ്തത്. ഇയാളെ ഇടുക്കി കോടതിയില്‍ ഹാജരാക്കി റിമാന്‍ഡുചെയ്തു.

കഴിഞ്ഞ ഏഴിനാണ് കേസിനാസ്പദമായ സംഭവം. ചൊക്കനാട് കുളമാങ്ക സ്വദേശിനിയായ 24-കാരി വൈകുന്നേരം ആറോടെ ബസിറങ്ങി വീട്ടിലേക്ക് പോകുമ്പോള്‍ ദേവികുളം ലാക് ബ്രൂക്ക് ബം്ഗ്ലാവിനു സമീപം പതിയിരുന്ന ഇയാള്‍ യുവതിയോട് വിവാഹാഭ്യര്‍ഥന നടത്തുകയായിരുന്നു. ഇത് നിരസിച്ച യുവതിയെ ഇയാള്‍ കൈയില്‍ കരുതിയിരുന്ന കത്തികൊണ്ട് കുത്തി പരിക്കേല്‍പിച്ചു.

തുടര്‍ന്ന് പ്രകോപിതരായ യുവതിയുടെ ബന്ധുക്കള്‍ കുളമാങ്കയിലെ ബന്ധുവീട്ടിലെത്തി കോവില്‍ദുരൈയെ മര്‍ദിച്ച സംഭവവും ഉണ്ടായി. ആക്രമണത്തില്‍ ഗുരുതരമായി പരിക്കേറ്റ യുവാവിനെ മൂന്നാര്‍ ടാറ്റാ ടീ ആശുപത്രിയില്‍ പ്രവേശിപ്പിച്ചു. പിന്നീട് കോട്ടയം മെഡിക്കല്‍ കോളജ് ആശുപത്രിയിലേക്കു കൊണ്ടുപോയി. കഴിഞ്ഞദിവസമാണ് ദേവികുളം പോലീസ് ഇയാളെ അറസ്റ്റുചെയ്തത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Moonnar, Arrested