ചാലക്കുടിയില്‍ നിന്ന് തൃശൂര്‍വരെ ഫിറ്റായി ബസ് ഓടിച്ച കെഎസ്ആര്‍ടിസി ഡ്രൈവര്‍ അറസ്റ്റില്‍.

തൃശൂര്‍: ചാലക്കുടിയില്‍ നിന്ന് തൃശൂര്‍വരെ ഫിറ്റായി ബസ് ഓടിച്ച കെഎസ്ആര്‍ടിസി ഡ്രൈവര്‍ അറസ്റ്റില്‍. ചാലക്കുടിയില്‍ നിന്ന് കോഴിക്കോട്ടേക്കുള്ള ഫാസ്റ്റ് പാസഞ്ചര്‍ ബസിന്റെ ഡ്രൈവര്‍ കൊടകര മറ്റത്തൂര്‍ മാളക്കാരന്‍ വീട്ടില്‍ സുധീഷിനെയാണ്(32) തൃശൂര്‍ വെളിയന്നൂരില്‍വച്ച് ട്രാഫിക് പോലീസ് അറസ്റ്റു ചെയ്തത്.

ഡ്രൈവര്‍ മദ്യപിച്ചിട്ടുണ്ടെന്ന് സംശയം തോന്നിയതിനെ തുടര്‍ന്ന് യാത്രക്കാര്‍ പോലീസില്‍ അറിയിക്കുകയായിരുന്നു. തുടര്‍ന്ന് ഫ്‌ളൈയിംഗ് സ്‌ക്വാഡ് ബസ് തടഞ്ഞ് ഡ്രൈവറെക്കൊണ്ട് ബ്രീത്ത് അനലൈസറില്‍ ഊതിപ്പിക്കുകയായിരുന്നു. ഭാഗ്യംകൊണ്ടു മാത്രമാണ് അപകടമൊന്നും കൂടാതെ യാത്രക്കാരുമായി ചാലക്കുടി മുതല്‍ തൃശൂര്‍ വരെ ഈ ബസ് എത്തിയത്.

യാത്രക്കാരെ മറ്റൊരു ബസില്‍ കോഴിക്കോട്ടേക്കു വിട്ടു. ഡ്രൈവറുടെ ലൈന്‍സ് റദ്ദാക്കാനുള്ള നിര്‍ദ്ദേശത്തോടെ എഫ്‌ഐആര്‍ ആര്‍ടിഒയ്ക്ക് കൈമാറുമെന്ന് ട്രാഫിക് എസ്‌ഐ അറിയിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Thrissur, Chalakudi, KSRTC, Police, Arrested