പത്തുവയസ്സുകാരിയെ കാണാതായ സംഭവത്തില്‍ ബന്ധുവിനെ പോലീസ് അറസ്റ്റുചെയ്തു

മലപ്പുറം : പാലപ്പെട്ടി അജ്മീര്‍ നഗറില്‍ പത്തുവയസ്സുകാരിയെ കാണാതായ സംഭവത്തില്‍ ബന്ധുവിനെ പോലീസ് അറസ്റ്റുചെയ്തു. തട്ടിക്കൊണ്ടുപോയ പെണ്‍കുട്ടിയെ ഉപേക്ഷിക്കാന്‍ ശ്രമിക്കുന്നതിനിടെയാണ് ബന്ധുകൂടിയായ പുതിയിരുത്തി പൊറായി സ്വദേശി കുഞ്ഞീരിയകത്ത് ഉമ്മര്‍ (48) പിടിയിലായത്.

ബുധനാഴ്ച സ്‌കൂളിലേക്ക് പോയ പത്തുവയസ്സുകാരിയെ തട്ടിക്കൊണ്ടുപോയെന്നായിരുന്നു പരാതി. പിതാവിന്റെ സഹോദരി ഭര്‍ത്താവായ ഉമ്മര്‍ ഓട്ടോറിക്ഷിലെത്തി കുട്ടിയെ കൊണ്ടുപോയതായി പോലീസിന് വിവരം ലഭിച്ചതിനെ തുടര്‍ന്നുള്ള അന്വേഷണത്തിലാണ് ഇയാള്‍ വലയിലായത്.

അന്വേഷണത്തിനിടെ ഓട്ടോറിക്ഷയും മറന്നുവെച്ച ബാഗും കണ്ടെടുത്തതോടെ ഇയാളെക്കുറിച്ചുള്ള വിവരം പോലീസിന് ലഭിക്കുകയായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Malappuram, Arrested