മഞ്ജു വാര്യരുടെ നൃത്ത സന്ധ്യ കോഴിക്കോടിന് ദൃശ്യവിരുന്നൊരുക്കി

കോഴിക്കോട്: മഞ്ജു വാര്യരുടെ നൃത്ത സന്ധ്യ കോഴിക്കോടിന് ദൃശ്യവിരുന്നൊരുക്കി. മുല്ലശ്ശേരി രാജഗോപാല്‍ അനുസ്മരണ പരിപാടിയോട് അനുബന്ധിച്ചാണ് മഞ്ചു വാര്യര്‍ നൃത്തം അവതരിപ്പിച്ചത്. വര്‍ഷങ്ങള്‍ക്കു ശേഷമാണ് കോഴിക്കോട്ട് മഞ്ചു വാര്യരുടെ നൃത്ത പരിപാടി അരങ്ങേറുന്നത്.

കോഴിക്കോട്ടെ സാംസ്‌കാരിക രംഗത്തെ സജീവ സാന്നിധ്യമായിരുന്ന മുല്ലശ്ശേരി രാജുവിന്റെ ജീവിതത്തെ അടിസ്ഥാനമാക്കിയാണ് ദേവാസുരമെന്ന ഹിറ്റ്ചിത്രത്തിന് രഞ്ജിത്ത് തിരക്കഥയൊരുക്കിത്. അദ്ദേഹത്തിന്റെ പതിനൊന്നാം അനുസ്മരണത്തോടനുബന്ധിച്ചാണ് മഞ്ചു വാര്യരുടെ കുച്ചിപ്പുടി അരങ്ങേറിയത്.

ശ്രീകൃഷ്ണ ലീല തരംഗിണിയുടെ ആദ്യ പാദം മഞ്ചു വാര്യര്‍ വിരല്‍ മുദ്രകളിലൂടെയും അല്‍പ കാലിക നടന നയനങ്ങളിലൂടെയും അവിസ്മരണീയമാക്കി.

വിവാഹ ശേഷം മഞ്ചു വാര്യര്‍ ഇതാദ്യമായാണ് കോഴിക്കോട് നൃത്തം അവതരിപ്പിക്കുന്നത്. മന്ത്രി എം കെ മുനീര്‍, പ്രദീപ് കുമാര്‍ എംഎല്‍എ സിനിമ മേഖലയിലെ പ്രമുഖര്‍, മുല്ലശ്ശേരി രാജുവിന്റെ സുഹൃത്തുകള്‍ എന്നിവര്‍ അനുസ്മരണ പരിപാടിയില്‍ പങ്കെടുത്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Kozhikode, Manju Warrier, Kuchuppudi