തളിപ്പറമ്പ: ഓട്ടോറിക്ഷ യാത്രക്കാരിയെ ഡ്രൈവര്‍ കാണിച്ചത് അശ്ലീല ചിത്രമെന്ന് ശാസ്ത്രീയ അന്വേഷണത്തില്‍ തെളിഞ്ഞു. ഇതേ തുടര്‍ന്ന് തളിപ്പറമ്പ് ഓട്ടോറിക്ഷ ഡ്രൈവര്‍ കണിക്കുന്ന് സ്വദേശി കുറുവോളന്‍ മുതുക്കല്‍ ഹൗസില്‍ എം.ഗംഗാധരാ(44) നെ പ്രതി ചേര്‍ത്ത് തളിപ്പറമ്പ് പോലീസ് ഒന്നാംക്ലാസ് മജിസ്‌ട്രേറ്റ് കോടതിക്ക് റിപ്പോര്‍ട്ട് നല്‍കി.
2011 ഏപ്രില്‍ 21 നാണ് കേസിനാസ്പദമായ സംഭവം. തലോറ സ്വദേശിയായ 45 കാരി നാട്ടിലേക്ക് ഗംഗാധരന്റെ ഓട്ടോ ട്രിപ്പ് വിളിച്ചിരുന്നു. തലോറയില്‍ റിക്ഷയില്‍ നിന്ന് ഇറങ്ങുമ്പോള്‍ മൊബൈല്‍ ഫോണില്‍ ഒരു അശ്ലീല ചിത്രം ഗംഗാധരന്‍ അവരെ കാണിച്ചു. അവരുടെ മകളുടെ ചിത്രമാണ് ഇതെന്നാണ് പറഞ്ഞത്. സ്ത്രീയുടെ മകളുടെ വിവാഹം നിശ്ചയിച്ച സമയമായിരുന്നു അന്ന്. വിവാഹം മുടക്കാന്‍ വേണ്ടിയാണത്രെ മകളുടെതെന്ന് പറഞ്ഞ് അശ്ലീല ചിത്രം കാണിച്ചത്.
ഇതേ തുടര്‍ന്ന് സ്ത്രീ എസ്.പിക്ക് പരാതി നല്‍കി. എന്നാല്‍ ഗംഗാധരനെ പ്രതി ചേര്‍ത്ത് അന്ന് കേസെടുത്തിരുന്നില്ല. ഇയാളുടെ ഫോണ്‍ പിടിച്ചെടുത്ത് അതിലുള്ളത് അശ്ലീല ചിത്രമാണോയെന്ന് പരിശോധിക്കാന്‍ തിരുവനന്തപുരം ഫോറന്‍സിക്ക് ലാബില്‍ അയച്ചിരുന്നു. അവിടത്തെ പരിശോധനയില്‍ ഗംഗാധരന്റെ മൊബൈല്‍ ഫോണില്‍ 25 ഓളം അശ്ലീല ചിത്രങ്ങളുണ്ടെന്ന് കണ്ടെത്തി. ഇതേതുടര്‍ന്നാണ് ഗംഗാധരനെ പ്രതിയാക്കി കോടതിക്ക് റിപ്പോര്‍ട്ട് നല്‍കിയത്.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Thaliparamba, Mobile
No comments:
Post a Comment