ഫോണ്‍ ഉപയോഗിച്ചതിനെ ചോദ്യം ചെയ്ത അദ്ധ്യാപകനെ വിദ്യാര്‍ത്ഥി കഴുത്തറുത്ത് കൊന്നു

ബീജിംഗ്:ക്ലാസില്‍വച്ച് മൊബൈൽഫോൺ ഉപയോഗിച്ചതിനെ ചോദ്യംചെയ്യുകയും ഫോൺ പിടിച്ചുവാങ്ങുകയും ചെയ്ത അദ്ധ്യാപകനെ വിദ്യാര്‍ത്ഥി കഴുത്ത് അറുത്തുകൊന്നു. ചൈനയിലാണ് ഞെട്ടിക്കുന്ന ഈസംഭവം നടന്നത്.

ചൈനയിലെ ജിയാങ്കക്‌സി പ്രവിശ്യയിലെ സ്‌കൂളിലെ കെമിസ്ട്രി അദ്ധ്യാപകനായ സൻ ആണ് ദാരുണമായി കൊല്ലപ്പെട്ടത്. സംഭവത്തെത്തുടർന്ന് ലീ എന്ന വിദ്യാർത്ഥിയെ പൊലീസ് അറസ്റ്റുചെയ്തു.

പഠിപ്പിക്കുന്നതിനിടയില്‍ മൊബൈലില്‍ ഗെയിം കളിച്ചതിനെത്തുടര്‍ന്നാണ് ലീയുടെ പക്കല്‍ നിന്ന് സൻ മൊബൈല്‍ പിടിച്ചു വാങ്ങിയത്. ഇതില്‍ ക്ഷുഭിതനായ ലീ അടുത്ത ദിവസം ക്ലാസിലെത്തിയ അദ്ധ്യാപകന്റെ പിറകിലൂടെ ചെന്ന് കഴുത്ത് അറുക്കുകയായിരുന്നു. പരിക്കേറ്റ സന്നിനെ ആശുപത്രിയിലെത്തിച്ചെങ്കിലും ജീവൻ രക്ഷിക്കാനായില്ല. അദ്ധ്യാപകനെ കൊന്ന ശേഷം ലീ തന്നെയാണ് അധികൃതരെ വിവരം അറിയിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Bejing, Hospital, School