ഷവര്‍മ കഴിച്ച തൃശൂരിലെ വിദ്യാര്‍ത്ഥി ആശുപത്രിയില്‍

തൃശൂര്‍: ഷവര്‍മ വീണ്ടും വില്ലനായി. തൃശൂരില്‍ ഷവര്‍മ കഴിച്ച വിദ്യാര്‍ഥിയെ ഛര്‍ദ്ദിയും അസ്വസ്ഥതയും അനുഭവപ്പെട്ടതിനെ തുടര്‍ന്ന് ആശുപത്രിയില്‍ പ്രവേശിപ്പിച്ചു. തൃശൂര്‍ പഴഞ്ഞിക്കടുത്ത് അകതിയൂര്‍ ചാഴിയൂര്‍ വീട്ടില്‍ നിധീഷിനാണ് ഭക്ഷ്യവിഷബാധയേറ്റത്. ഇയാളെ കുന്നംകുളം താലൂക്ക് ആശുപത്രിയിലാണ് പ്രവേശിപ്പിച്ചിരിക്കുന്നത്.

പെരുമ്പിലാവിലെ ഒരു ഹോട്ടലില്‍ നിന്നാണ് ഇയാള്‍ ഷവര്‍മ കഴിച്ചത്. ഒരു വര്‍ഷം മുന്‍പ് തിരുവനന്തപുരത്ത് ഒരു ഹോട്ടലില്‍ നിന്നും ഷവര്‍മ കഴിച്ച് ഒരു വിദ്യാര്‍ഥി മരിച്ചിരുന്നു. അതേ ദിവസം ഇതേ ഹോട്ടലില്‍ നിന്ന് ഷവര്‍മ കഴിച്ചവര്‍ക്ക് അസ്വസ്ഥതയും അനുഭവപ്പെട്ടിരുന്നു. തുടര്‍ന്ന് ഷവര്‍മ വില്‍പന സംസ്ഥാനത്ത് പലയിടത്തും താല്‍ക്കാലികമായി നിരോധിക്കുകയും കടകളില്‍ കര്‍ശന പരിശോധനകള്‍ നടത്തുകയും ചെയ്തിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News