മഅദനിയെ നേത്ര ചികിത്സയ്ക്കായി ആസ്പത്രിയിലേക്ക് മാറ്റി

ബാംഗ്ലൂര്‍:ബാംഗ്ലൂര്‍ സ്‌ഫോടനക്കേസില്‍ റിമാന്‍ഡിലായിരുന്ന പിഡിപി നേതാവ് അബ്ദുല്‍ നാസര്‍ മഅദനിയെ നേത്ര ചികിത്സയ്ക്കായി ജയിലില്‍ നിന്ന് ആസ്പത്രിയിലേക്ക് മാറ്റി. ബാംഗ്ലൂരിലെ അഗര്‍വാള്‍ ആസ്പത്രിയിലാണ് മഅദനിയെ പ്രവേശിപ്പിച്ചത്. മഅദനിയെ ആസ്പത്രിയിലേക്ക് മാറ്റണമെന്നു കഴിഞ്ഞദിവസം സുപ്രീം കോടതി ഉത്തരവിട്ടിരുന്നു.

ചികിത്സാ സമയത്ത് ഭാര്യ സൂഫിയ മഅദനിക്കു കൂടെ നില്‍ക്കാനും കോടതി അനുമതി നല്‍കിയിട്ടുണ്ട്. ഡിസംബര്‍ 19നു മുന്‍പ് ചികിത്സ പൂര്‍ത്തിയാക്കണമെന്നാണു നിര്‍ദേശം.

മഅദനിയുടെ ഇടതുകണ്ണിന്റെ സ്ഥിതി വളരെ മോശമാണെന്ന് കഴിഞ്ഞ 17ന് അഗര്‍വാള്‍ ആശുപത്രിയില്‍ നടത്തിയ പരിശോധനയില്‍ വ്യക്തമായിരുന്നു. പരിശോധന റിപ്പോര്‍ട്ട് കോടതിയില്‍ ഹാജരാക്കിയതിനെ തുടര്‍ന്നാണ് മഅദനിക്ക് ഉടന്‍ ചികില്‍സ ലഭ്യമാക്കാന്‍ കര്‍ണാടക സര്‍ക്കാരിനോട് സുപ്രീം കോടതി നിര്‍ദേശിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News,