പ്രായമായ അമ്മയെ വീട്ടില്‍ കെട്ടിയിട്ട നിലയില്‍ കണ്ടെത്തി

കണ്ണൂര്‍ : വീട്ടില്‍ കെട്ടിയിട്ട നിലയില്‍ കാണപ്പെട്ട എണ്‍പത്തിരണ്ടുകാരിയെ വനിതാ പോലീസ് ആസ്​പത്രിയിലാക്കി. കണ്ണൂര്‍ തിലാന്നൂരിനു സമീപം പരേതനായ പൊക്കന്റെ ഭാര്യ എടക്കണമ്പേത്ത് ജാനകിയെയാണ് നാട്ടുകാരുടെ പരാതിപ്രകാരം വനിതാ ഹെല്‍പ്പ്‌ലൈന്‍ പോലീസെത്തി കെട്ടഴിച്ച് കണ്ണൂര്‍ ജില്ലാ ആസ്​പത്രിയിലെത്തിച്ചത്.

മകനും ഭാര്യയുമാണ് ജാനകിക്കൊപ്പം താമസിക്കുന്നത്. അവശയായ ജാനകിയെ എല്ലാദിവസവും വീട്ടിനകത്ത് കസേരയോടു ചേര്‍ത്ത് കെട്ടിയിടുകയാണെന്ന് നാട്ടുകാരില്‍ ചിലരാണ് പരാതിപ്പെട്ടത്. പോലീസെത്തുമ്പോള്‍ വീട്ടിലെ പിന്നാമ്പുറത്ത് ഗ്രില്‍സിനോടുചേര്‍ത്ത് കസേരയില്‍ കെട്ടിയിട്ട നിലയിലായിരുന്നു. പ്രായവും രോഗവും കാരണം നന്നേ അവശയായിരുന്നു അവര്‍. ജാനകിയുടെ നാലുമക്കളില്‍ മൂന്നുപേരും നാട്ടില്‍ത്തന്നെയുണ്ട്. അതേസമയം, ഇരുന്ന ഇരുപ്പില്‍ വീഴുന്നതിനാലാണ് കസേരയില്‍ കെട്ടിയിട്ടതെന്ന് വീട്ടുകാര്‍ പറയുന്നു.

വനിതാ ഹെല്‍പ്പ്‌ലൈനിലെ മിനി, ലേഖ എന്നിവരാണ് വീട്ടിലെത്തി ജാനകിയെ ആസ്​പത്രിയിലെത്തിച്ചത്. സംഭവത്തെക്കുറിച്ച് വനിതാകമ്മീഷന്‍ റിപ്പോര്‍ട്ട് ആവശ്യപ്പെടും.

Mathrubhumi

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News