സ്‌നേഹവീടിന്റെ താക്കോല്‍ കൈമാറി

പയ്യന്നൂര്‍: നാഷണല്‍ സര്‍വീസ് സ്‌കീം പയ്യന്നൂര്‍ കോളേജ് യൂണിറ്റിന്റെ നേതൃത്വത്തില്‍ അടുത്തിലയിലെ തലക്കല്‍ വീട്ടില്‍ കല്യാണിക്ക് നിര്‍മിച്ചുനല്‍കുന്ന വീടിന്റെ താക്കോല്‍ സമര്‍പ്പണം ടി.വി.രാജേഷ് എം.എല്‍.എ. നിര്‍വഹിച്ചു.

കോളേജില്‍ നടന്ന ചടങ്ങില്‍ പ്രിന്‍സിപ്പല്‍ പ്രൊഫ. എം.പി.ജയരാജന്‍ അധ്യക്ഷനായി. എന്‍.എസ്.എസ്. കണ്ണൂര്‍ സരവകലാശാലാ പ്രോഗ്രാം കോ ഓര്‍ഡിനേറ്റര്‍ വി.എസ്.അനില്‍കുമാര്‍ മുഖ്യപ്രഭാഷണം നടത്തി. കുഞ്ഞിമംഗലം ഗ്രാമപ്പഞ്ചായത്ത് പ്രസിഡന്റ് സി.ചന്ദ്രിക മുഖ്യാതിഥിയായി.

നിര്‍മാണപ്രവൃത്തിയുടെ അവലോകനം വീടുനിര്‍മാണ കമ്മിറ്റി ചെയര്‍മാന്‍ വി.വിനോദ് നിര്‍വഹിച്ചു. ചടങ്ങില്‍ അറ്റോമിക് റിസര്‍ച്ച് സെന്ററില്‍ പ്രബന്ധാവതരണത്തിന് തിരഞ്ഞെടുക്കപ്പെട്ട എന്‍.എസ്.എസ്. വൊളന്റിയര്‍ കല്യാണകൃഷ്ണനെ അനുമോദിച്ചു. കെ.രാമചന്ദ്രന്‍, കെ.കെ.ഗംഗാധരന്‍, വൈ.വി.കണ്ണന്‍, ഡോ. പി.സി.ശ്രീനിവാസന്‍, സുബിന്‍ കുമാര്‍ എന്നിവര്‍ സംസാരിച്ചു. പദ്മനാഭന്‍ കാവുമ്പായി സ്വാഗതവും ശ്രീരാഗ് സി. നന്ദിയും പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News