സുരേഷ് ഗോപിയ്ക്കെതിരെ നടി പോലീസില്‍ പരാതി നല്‍കി

നടന്‍ സുരേഷ് ഗോപിയ്ക്കെതിരെ മലയാള സിനിമയിലെ നടി പരാതി നല്‍കിയെന്ന് റിപ്പോര്‍ട്ട്. ടാ തടിയാ എന്ന സിനിമയിലൂടെ വെള്ളിത്തിരയിലെത്തിയ നടി മിനു കുര്യനാണ് സുരേഷ് ഗോപിയ്ക്കെതിരെ പരാതി നല്‍കിയത്. അപമര്യാദയായി സംസാരിച്ചു എന്ന പരാതിയില്‍ ചെന്നൈ പോലീസിലാണ് പരാതി നല്‍കിയിരിക്കുന്നത്.

മിനു കുര്യന്റെ കാര്‍ ഡ്രൈവറുമായുള്ള പ്രശ്നത്തെ തുടര്‍ന്നാണ് പ്രശനങ്ങള്‍ താരങ്ങള്‍ ഏറ്റെടുത്തത്. മിനു കുര്യന്‍ തന്റെ ഡ്രൈവര്‍ക്ക് ആറു ലക്ഷത്തോളം രൂപ കടം നല്‍കിയിരുന്നു. എന്നാല്‍ ഇത് തിരികെ നല്‍കാതെ ഡ്രൈവര്‍ മിനുവുമായി പിണങ്ങുകയും സുരേഷ് ഗോപിയുടെ ഡ്രൈവറായി പ്രവേശിക്കുകയു ചെയ്തു.

പിന്നീട് സുരേഷ് ഗോപിയോടൊന്നിച്ച് ഡ്രൈവര്‍ യാത്ര ചെയ്യുമ്പോളും നടി സ്ഥിരമായി വിളിയിക്കാന്‍ തുടങ്ങി . ഇതേ തുടര്‍ന്ന് സുരേഷ് ഗോപി കാര്യം അന്വേഷിക്കുകയും പ്രശ്നത്തില്‍ ഇടപെടുകയും ചെയ്തു. എന്നാല്‍ താന്‍ പണം തിരികെ നല്‍കിയിട്ടും നടി ശല്യപ്പെടുത്തുന്നുവെന്നാണഅ ഡ്രൈവര്‍ സുരേഷ് ഗോപിയോട് പറഞ്ഞത്.

ഇതേ തുടര്‍ന്ന് സുരേഷ് ഗോപി തന്നെ നടിയെ ഫോണില്‍ വിളിച്ചു സംസാരിച്ചു .എന്നാല്‍ തന്റെ ഡ്രൈവറുടെ ഭാഗം ന്യായീകരിച്ച സുരേഷ് ഗോപിയുടെ സംസാരം ഇഷ്ടപ്പെടാത്ത നടി സുരേഷ് ഗോപിക്കെതിരെ പരാതി കൊടുക്കുകയായിരുന്നു. കൂടാതെ തന്‍റെ ഫേസ്ബുക്ക് പേജില്‍ താന്‍ കേസ്‌ കൊടുക്കാന്‍ തയ്യാറായ സാഹചര്യം മുഴുവന്‍ താരം പോസ്റ്റ്‌ ചെയ്തിട്ടുമുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Movie, Actor, Suresh Gopi, Complaint, Actress, Minu