ഡ്യൂപ്പിനെ വെച്ച് ചിത്രീകരിച്ചത് നസ്രിയയുടെ അനുവാദത്തോടെ: സംവിധായകന്‍

നെയ്യാണ്ടി എന്ന സിനിമയില്‍ വിവാദമായ സീന്‍ ചിത്രീകരിച്ചത് നസ്രിയ അറിഞ്ഞു കൊണ്ട് തന്നെയാണെന്ന് പറഞ്ഞ് ചിത്രത്തിന്റെ സംവിധായകന്‍ സര്‍ഗുണം രംഗത്ത്. ഡ്യൂപ്പിനെ വെച്ച് ചിത്രീകരിക്കാനും അത് ടീസറില്‍ ഉള്‍പ്പെടുത്തിക്കൊള്ളുവാനും പറഞ്ഞത് നസ്രിയാണെന്ന് അദ്ദേഹം പറഞ്ഞതായാണ് റിപ്പോര്‍ട്ടുകള്‍.

ചിത്രത്തില്‍ ധനുഷിനോടൊപ്പം ഒരു ഗാനത്തില്‍ മുഴുവനായി അഭിനയിച്ചിരിക്കുന്നത് നസ്രിയയാണ്. ഗാനം എഡിറ്റ് ചെയ്യുമ്പോള്‍ അത്തരത്തിലൊരു സീന്‍ കൂടി ഉണ്ടായിരുന്നെങ്കില്‍ കുറച്ചു കൂടി നന്നായിരിക്കുമെന്ന് കരുതി അഭിനയിക്കാനായി നസ്രിയയെ വിളിച്ചു. എന്നാല്‍ അതിനു മാത്രമായി കേരളത്തിലേക്ക് വരാന്‍ പറ്റില്ലെന്നും ഒരു ബോഡി ഡ്യൂപ്പിനെ വെച്ച് സീന്‍ ചിത്രീകരിച്ചു കൊള്ളാനും നസ്രിയ പറഞ്ഞുവെന്നും സര്‍ഗുണം പറയുന്നു. സ്വന്തം പബ്ലിസിറ്റിയ്ക്ക് വേണ്ടിയാണ് നസ്രിയ ഇങ്ങനെ വിവാദങ്ങള്‍ ഉണ്ടാക്കുന്നതെന്നും അദ്ദേഹം പറഞ്ഞു.

തന്റെ സമ്മതമില്ലാതെ ഡൂപ്പിനെ ഉപയോഗിച്ച് ഷൂട്ട് ചെയ്ത ദൃശ്യങ്ങളുള്ളതായി നസ്‌റിയ പരാതിപ്പെട്ടിരിക്കുന്നത്. ഇക്കാര്യം ശ്രദ്ധയില്‍ പെട്ട ഉടന്‍ തന്നെ സംവിധായകന്‍ സര്‍ഗുണനെ ഇക്കാര്യം അറിയിച്ചിരുന്നു. എന്നാല്‍ സര്‍ഗുണന്റെ പ്രതികരണം ഞെട്ടിച്ചെന്ന് നസ്‌റിയ പറയുന്നു. സംവിധായകനും നിര്‍മ്മാതാവിനുമെതിരെ നസ്‌റിയ നസീം ചെന്നൈ പൊലീസ് കമ്മീഷണര്‍ക്ക് കേസ് കൊടുത്തിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Nazriya, Movie, Neyyandi