അമ്മയും രണ്ട് മക്കളും കിണറ്റില്‍ മരിച്ച നിലയില്‍

നെന്മാറ: വിത്തനശ്ശേരി ഏച്ചംപുര വീട്ടില്‍ കൃഷ്ണകുമാറിന്റെ ഭാര്യ ജയശ്രീ (28), പെണ്‍മക്കളായ കൃഷ്ണജ (6), അഞ്ജുകൃഷ്ണ (3) എന്നിവരെ വീടിനുസമീപമുള്ള കിണറില്‍ വീണ് മരിച്ചനിലയില്‍ കണ്ടെത്തി.

ചൊവ്വാഴ്ച രാവിലെ ഇവര്‍ വീട്ടില്‍നിന്നിറങ്ങിയതാണെന്ന് ബന്ധുക്കള്‍ പറഞ്ഞു. സമീപപ്രദേശങ്ങളിലും ബന്ധുവീടുകളിലും അന്വേഷിച്ചെങ്കിലും വിവരമൊന്നും ലഭിച്ചില്ല. അന്വേഷണത്തിനിടെ ഉപയോഗശൂന്യമായ കിണറിനുസമീപം ചെരിപ്പ് കണ്ടതിനെത്തുടര്‍ന്ന് പോലീസിനെ അറിയിച്ചു.

പോലീസും ആലത്തൂരില്‍നിന്ന് അഗ്‌നിശമനസേനാവിഭാഗവുമെത്തി.വല്ലങ്ങി വി.ആര്‍.സി.എം. യു.പി. സ്‌കൂളിലെ വിദ്യാര്‍ഥിനികളാണ് ഇരുവരും. കൃഷ്ണജ ഒന്നാംക്ലാസിലും അഞ്ജുകൃഷ്ണ എല്‍.കെ.ജി.യിലും പഠിക്കുന്നു.കുടുംബത്തിലുണ്ടായ വഴക്കിനെത്തുടര്‍ന്നാണ് കുഞ്ഞുങ്ങളോടൊപ്പം യുവതി വീടുവിട്ടിറങ്ങിയതെന്ന് പ്രാഥമിക അന്വേഷണത്തില്‍ വിവരം ലഭിച്ചതായി പോലീസ് പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, School, Police, Well, Died