കാസര്‍കോട് മത്സ്യമാര്‍ക്കറ്റിന് തറക്കല്ലിട്ടു

കാസര്‍കോട്: കാസര്‍കോട്ട് നിര്‍മിക്കുന്ന ആധുനിക രീതിയിലുള്ള മത്സ്യമാര്‍ക്കറ്റിന്റെ ശിലാസ്ഥാപനം ഉത്സവാന്തരീക്ഷത്തില്‍ ഫിഷറീസ് വകുപ്പ് മന്ത്രി കെ. ബാബു നിര്‍വഹിച്ചു. ശനിയാഴ്ച രാവിലെ മത്സ്യമാര്‍ക്കറ്റ് പരിസരത്ത് നടന്ന ചടങ്ങിലായിരുന്നു ശിലാസ്ഥാപനം. രണ്ടരക്കോടി രൂപ ചെലവില്‍ ആധുനിക സൗകര്യങ്ങളോടെ നിര്‍മിക്കുന്ന മാര്‍ക്കറ്റിന്റെ ടെണ്ടര്‍ നടപടികള്‍ പൂര്‍ത്തിയായതായും നിര്‍മാണ പ്രവര്‍ത്തികള്‍ 10 ദിവസത്തിനകം ആരംഭിക്കുമെന്നും ഒരു വര്‍ഷത്തിനകം നിര്‍മാണം പൂര്‍ത്തിയാക്കാന്‍ കഴിയുമെന്നും മന്ത്രി വ്യക്തമാക്കി.

ഉദ്ഘാടനചടങ്ങില്‍ എന്‍.എ. നെല്ലിക്കുന്ന് എം.എല്‍.എ. അധ്യക്ഷത വഹിച്ചു. ഡോ. കെ. അമ്പാടി റിപോര്‍ട്ട് അവതരിപ്പിച്ചു. ഫിഷറീസ് ഡയറക്ടര്‍ മിനി ആന്റണി സ്വാഗതം പറഞ്ഞു. വൈസ് ചെയര്‍പേഴ്‌സണ്‍ താഹിറാ സത്താര്‍, യു.എസ്. ബാലന്‍, എ. അബ്ദുര്‍ റഹിമാന്‍, അബ്ബാസ് ബീഗം, ഇ. അബ്ദുര്‍ റഹിമാന്‍ കുഞ്ഞ്, ജി. നാരായണന്‍, ആഇശത്ത് റുമൈസ, സൈഫുന്നിസാ ഹനീഫ്, ഫൗസിയ റഷീദ്, ആര്‍. ഗംഗാധരന്‍, എ.എം. കടവത്ത്, എസ്. ഉദയകുമാര്‍, വി. രാജന്‍, പി. മാധവന്‍, എ.കെ. മൊയ്തീന്‍ കുഞ്ഞി, എസ്.കെ. തങ്ങള്‍ തുടങ്ങിയവര്‍ പ്രസംഗിച്ചു. ഫിഷറീസ് ഡപ്യൂട്ടി ഡയറക്ടര്‍ കെ. പത്മനാഭന്‍ സ്വാഗതം പറഞ്ഞു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News