വാര്‍ഡനെ മുറിയില്‍ പൂട്ടിയിട്ട് കാക്കനാട് ജൂവനൈല്‍ ഹോമില്‍ നിന്ന് ആറു കുട്ടികള്‍ രക്ഷപെട്ടു

കൊച്ചി: വാര്‍ഡനെ മുറിയില്‍ പൂട്ടിയിട്ട ശേഷം കൊച്ചി കാക്കനാട് ജൂവനൈല്‍ ഹോമില്‍ നിന്ന് ആറു കുട്ടികള്‍ രക്ഷപെട്ടു. കൊലക്കേസില്‍ ഉള്‍പ്പെടെ പ്രതികളായി ജൂവനൈല്‍ ഹോമില്‍ എത്തിയവരാണ് ഇവര്‍. രക്ഷപെട്ടവരില്‍ മൂന്നു പേര്‍ തമിഴ്‌നാട് സ്വദേശികളും ഒരാള്‍ ഉത്തരേന്ത്യക്കാരനുമാണ്. രണ്ടു പേര്‍ മലയാളികളാണ്.

ഇവരെ പിടികൂടാന്‍ പോലീസ് തെരച്ചില്‍ ഊര്‍ജിതമാക്കി. ബസ് സ്റ്റാന്‍ഡ്, റെയില്‍വേ സ്റ്റേഷനുകള്‍ എന്നിവിടങ്ങളിലാണ് പ്രധാനമായും പരിശോധന നടത്തുന്നത്. സംശയം തോന്നുന്ന ബസുകളിലും മറ്റു വാഹനങ്ങളിലും പരിശോധനകള്‍ നടത്തുന്നുണ്ട്. സമീപപ്രദേശങ്ങളിലും പോലീസ് തെരച്ചില്‍ നടത്തുന്നുണ്ട്. 

സുരക്ഷാ വീഴ്ചയാണ് കുട്ടികള്‍ രക്ഷപെടാന്‍ ഇടയാക്കിയതെന്നാണ് സൂചന. നേരത്തെയും ഇവിടെ നിന്നും പലപ്പോഴും കുട്ടികള്‍ ചാടിപ്പോയിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News