കടല്‍ക്കൊല കേസ് എന്‍ .ഐ.എ ഇറ്റലിയിലേക്ക് പോകുന്നില്ല

ഡല്‍ഹി: കടല്‍ക്കൊലക്കേസില്‍ സാക്ഷികളുടെ മൊഴിയെടുക്കാന്‍ എന്‍ഐഎ സംഘത്തെ ഇറ്റലിയിലേക്കു അയയ്ക്കാനുള്ള നീക്കം മാറ്റി. കേന്ദ്ര ആഭ്യന്തര മന്ത്രാലയമാണ് തീരുമാനം മാറ്റിയത്. ഇക്കാര്യത്തില്‍ ആഭ്യന്തരമന്ത്രാലയം അറ്റോര്‍ണി ജനറലിന്റെയും നിയമമന്ത്രാലയത്തിന്റേയും നിര്‍ദേശം തേടിയതിനു ശേഷം സംഘത്തെ ഇറ്റലിയിലേക്കു അയച്ചാല്‍ മതിയെന്നാണ് ഇപ്പോള്‍ തീരുമാനിച്ചിരിക്കുന്നത്.

തങ്ങള്‍ ഇന്ത്യയിലേക്കു വരില്ലെന്നും വിഡിയോ കോണ്‍ഫറന്‍സിങ് വഴി മൊഴി രേഖപ്പെടുത്തുകയോ എന്‍ഐഎ ഉദ്യോഗസ്ഥര്‍ ഇറ്റലിയിലെത്തുകയോ ചോദിക്കാനുള്ള കാര്യങ്ങള്‍ എഴുതി നല്‍കുകയോ ചെയ്താല്‍ സഹകരിക്കാമെന്നു നാലു സാക്ഷികളും നേരത്തെ വ്യക്തമാക്കിയിരുന്നു. വോഗ്ലിനോ റെനാറ്റോ, ആന്‍ഡ്രോണിക്കോ മാസ്സിമോ, ഫൊണ്ടാനോ അന്റോണിയോ, കോണ്‍ടേ അല്‌സാണ്‍ഡ്രോ എന്നിവരാണ് കേസിലെ നിര്‍ണായക സാക്ഷികള്‍.

സാക്ഷികളെ കേസിന്റെ അന്വേഷണ വേളയിലും വിചാരണ വേളയിലും ഹാജരാക്കാമെന്ന് ഇറ്റലി ഇന്ത്യയ്ക്ക് ഉറപ്പുനല്‍കിയിരുന്നു.സാക്ഷികള്‍ക്കായുള്ള ചോദ്യാവലി വീഡിയോ കോണ്‍ഫറന്‍സിങ് വഴിയോ ഇമെയില്‍ വഴി നല്‍കിയോ മൊഴിയെടുക്കാനാണ് തീരുമാനം. സാക്ഷികളെ വിട്ടു നല്‍കണമെന്നു ഇന്ത്യ ആവശ്യപ്പെട്ടിരുന്നെങ്കിലും ഇറ്റലി നിരസിക്കുകയായിരുന്നു. തുടര്‍ന്നാണ് എന്‍ഐഎ സംഘത്തെ ഇറ്റലിയിലേക്കയയ്ക്കാന്‍ തീരുമാനിച്ചത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Case, N.I.A,