കണ്ണൂരില്‍ ക്ഷേത്രത്തിനു സമീപം നാലു സ്റ്റീല്‍ ബോംബുകള്‍ കണ്ടെടുത്തു

കൂത്തുപറമ്പ്: ആമ്പിലാട് പോലീസ് നടത്തിയ പരിശോധനയില്‍ നാലു സ്റ്റീല്‍ ബോംബുകള്‍ കണ്ടെടുത്തു. മഹാവിഷ്ണു ക്ഷേത്രത്തിനു സമീപം ആള്‍ത്താമസമില്ലാത്ത പറമ്പില്‍ പ്ലാസ്റ്റിക് കവറില്‍ പൊതിഞ്ഞ് സൂക്ഷിച്ച നിലയിലാണ് നാലു ബോംബുകള്‍ കണ്ടെത്തിയത്.

എസ്‌ഐ അരുണ്‍ദാസിന്റെ നേതൃത്വത്തില്‍ കണ്ണവം, കതിരൂര്‍ സ്‌റ്റേഷനുകളിലെ പോലീസുകാരും കണ്ണൂരില്‍ നിന്നെത്തിയ ബോംബ്-ഡോഗ് സ്‌ക്വാഡുകളും സംയുക്തമായാണ് വെള്ളിയാഴ്ച രാവിലെ 7.15ഓടെ പരിശോധന നടത്തിയത്. രഹസ്യവിവരത്തെ തുടര്‍ന്നായിരുന്നു പരിശോധന.

കഴിഞ്ഞ ദിവസം ആയിത്തറ മേഖലയിലും ബോംബുകള്‍ക്കും ആയുധങ്ങള്‍ക്കുമായി പോലീസ് വ്യാപക പരിശോധന നടത്തിയെങ്കിലും ഒന്നും കണ്ടെത്താനായിരുന്നില്ല. അടുത്ത ദിവസങ്ങളില്‍ മേഖലയിലെ മറ്റിടങ്ങളിലും പരിശോധന നടത്തുമെന്ന് പോലീസ് അറിയിച്ചു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Steel Bomb, Kannur, Temple, Police