പാകിസ്ഥാന്റെ പ്രധാനമന്ത്രിയാകണം: മലാല

ന്യൂയോര്‍ക്ക്: തനിക്ക് പാകിസ്ഥാന്റെ പ്രധാനമന്ത്രിയാകണമെന്ന് താലിബാന്‍ ഭീകരരുടെ വധശ്രമത്തില്‍ നിന്ന് രക്ഷപ്പെട്ട മലാല യൂസഫ് സായി പറഞ്ഞു. കൊല്ലപ്പെട്ട പാക് പ്രധാനമന്ത്രി ബേനസീ!ര്‍ ഭൂട്ടോയെയാണ് താന്‍ മാതൃകയായി കാണുന്നതെന്നും  മലാല പറഞ്ഞു.

ഒരു ഡോക്ടര്‍ ആകണമെന്നായിരുന്നു നേരത്തെ മലാല പറഞ്ഞിരുന്നത്. എന്നാല്‍ ഇപ്പോള്‍ താന്‍ ആഗ്രഹം മാറ്റുകയാണെന്നും പാകിസ്ഥാനെ നയിക്കാന്‍ താന്‍ ആഗ്രഹിക്കുന്നതായും മലാല പറഞ്ഞു. താലിബാന് എന്റെ ശരീരത്തില്‍ വെടിയുതിര്‍ക്കാനാകും പക്ഷേ എന്റെ സ്വപ്നങ്ങളെ വെടിവച്ചു വീഴ്ത്താനാവില്ല. പാകിസ്ഥാനില്‍ എല്ലാ കുട്ടികള്‍ക്കും വിദ്യാഭ്യാസം ലഭിക്കുന്ന ഒരു ദിവസം വരും. തന്നെ കൊല്ലാന്‍ ശ്രമിച്ചത് താലിബാന്‍ ചെയ്ത ഏറ്റവും വലിയ മണ്ടത്തരമാണെന്നും മലാല പറഞ്ഞു.

സമാധാനത്തിനുള്ള നോബല്‍ സമ്മാനം വെള്ളിയാഴ്ച പ്രഖ്യാപിക്കാനിരിക്കെ പട്ടികയില്‍ മുന്നിലുള്ളവരില്‍ ഒരാളാണ് മലാല.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Newyork, Malala, Pakisthan