മുസഫര്‍നഗറിലെ ദുരിതാശ്വാസ ക്യാംപില്‍ യുവതിയെ കൂട്ടബലാല്‍സംഗം ചെയ്തു

മുസഫര്‍നഗര്‍: വര്‍ഗീയ കലാപത്തിനിരയായി ദുരിതാശ്വാസ ക്യാംപില്‍ കഴിയുന്ന യുവതിയെ രണ്ടു യുവാക്കള്‍ കൂട്ടബലാല്‍സംഗം ചെയ്തു. ജില്ലയിലെ ജോഗ്യഖേരി ഗ്രാമത്തിലാണു സംഭവം.ഫുഗാന ഗ്രാമത്തില്‍ നിന്നു കുടിയൊഴിപ്പിക്കപ്പെട്ട കുടുംബത്തിലെ അംഗമാണ് ബലാല്‍സംഗത്തിനിരയായ 20കാരിയായ യുവതി. സചിന്‍, സുനില്‍കുമാര്‍ എന്നിവരാണ് അക്രമികളെന്ന് തിരിച്ചറിഞ്ഞിട്ടുണ്ട്. യുവതിയുടെ പിതാവിന്റെ പരാതിയെത്തുടര്‍ന്ന് ഇവരെ അറസ്റ്റ് ചെയ്തു. പ്രദേശത്ത് സംഘര്‍ഷാവസ്ഥ നിലനില്‍ക്കുകയാണ്.

അക്രമികളെ പോലിസിന് കൈമാറുന്നതിന് മുമ്പ് ജനക്കൂട്ടം മര്‍ദ്ദിച്ചവശരാക്കിയിരുന്നു. വൈദ്യ പരിശോധനയില്‍ യുവതി ബലാല്‍സംഗം ചെയ്യപ്പെട്ടതായി തെളിഞ്ഞിട്ടുണ്ട്. സംഭവം ആരോടെങ്കിലും പറഞ്ഞാല്‍ കൊന്നുകളയുമെന്നു യുവാക്കള്‍ ഭീഷണിപ്പെടുത്തിയെന്നും പരാതിയിലുണ്ട് .

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News