കീഴൂരിലെ വിനുവിനെ കുത്തിക്കൊന്ന കേസില്‍ ജ്യേഷ്ഠനെ കോടതി റിമാന്റ്‌ ചെയ്‌തു

വിനു

കാഞ്ഞങ്ങാട് : മദ്യലഹരിയില്‍ അനുജനെ കുത്തിക്കൊലപ്പെടുത്തിയ കേസില്‍ ജ്യേഷ്ഠന്‍ രണ്ടു ദിവസത്തിനു ശേഷം കോടതിയില്‍ കീഴടങ്ങി. കീഴൂര്‍ കോളനിയിലെ സുധാകരന്റെ മകന്‍ നാരായണ്‍ (33) ആണ് വെളളിയാഴ്ച ഹൊസ്ദുര്‍ഗ് ഒന്നാം ക്ലാസ് കോടതിയില്‍ കീഴടങ്ങിയത്. ഇയാളെ കോടതി റിമാന്റ് ചെയ്തു. 

കഴിഞ്ഞ 12 ന് രാത്രി വീട്ടില്‍ വെച്ച് അനുജന്‍ വിനു (30)വിനെ മദ്യലഹരിയിലെത്തിയ നാരായണന്‍ കുത്തിക്കൊലപ്പെടുത്തുകയായിരുന്നു. സംഭവത്തിനു ശേഷം ഒളിവിലായിരുന്നു പ്രതി. 

തെളിവുകള്‍ കണ്ടെത്തുന്നതിന് പ്രതിയെ കസ്റ്റഡിയില്‍ ആവശ്യപ്പെടുമെന്ന് കേസന്വേഷിക്കുന്ന സി ഐ കെ സുധാകരന്‍ പറഞ്ഞു. ഇതുസംബന്ധിച്ച് ഹൊസ്ദുര്‍ഗ് കോടതിയില്‍ അപേക്ഷ നല്‍കി.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News