വിവാഹവാഗ്ദാനം നല്കി പെണ്‍കുട്ടിയെ ബലാത്സംഗംചെയ്ത യുവാവ് അറസ്റ്റില്‍

മംഗലാപുരം: വിവാഹം കഴിക്കാമെന്നുപറഞ്ഞ് പ്രലോഭിപ്പിച്ച് പ്രായപൂര്‍ത്തിയാവാത്ത പെണ്‍കുട്ടിയുമായി പലതവണ ലൈംഗിക ബന്ധത്തിലേര്‍പ്പെട്ട യുവാവിനെ പോലീസ് അറസ്റ്റ് ചെയ്തു. കുന്ദാപുരം മൂഡുഗോപദിയിലെ ചേതന്‍(22) ആണ് അറസ്റ്റിലായത്. പെണ്‍കുട്ടിയുടെ പരാതിപ്രകാരമാണ് നടപടി.

രണ്ടുവര്‍ഷമായി ചേതനും പതിനേഴുകാരിയായ പെണ്‍കുട്ടിയും തമ്മില്‍ പ്രണയത്തിലായിരുന്നു. പെണ്‍കുട്ടിയെ വിവാഹംകഴിക്കാമെന്ന് ചേതന്‍ വാക്കുകൊടുത്തിരുന്നു. ഇതിന്റെപേരില്‍ കുട്ടിയെ പലയിടങ്ങളില്‍ കൊണ്ടുപോകുകയും ലൈംഗികമായി ബന്ധപ്പെടുകയും ചെയ്തു.

സര്‍ക്കിള്‍ ഇന്‍സ്‌പെക്ടര്‍ ദിവാകറിന്റെ നേതൃത്വത്തിലുള്ള സംഘം ബാംഗ്ലൂരിലെത്തിയാണ് ചേതനെ അറസ്റ്റുചെയ്തത്. കോടതിയില്‍ ഹാജരാക്കിയ ചേതനെ 15 ദിവസത്തേക്ക് റിമാന്‍ഡുചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News