കുട്ടികളെ കിണറ്റിലെറിഞ്ഞ് കൊന്ന് ആത്മഹത്യയ്ക്ക് ശ്രമിച്ച അമ്മ അറസ്റ്റില്‍

കല്‍പകഞ്ചേരി: രണ്ട് കുട്ടികളെ മാതാവ് കിണറ്റിലെറിഞ്ഞു കൊന്നു. വീട്ടലെത്തി മാതാവ് ആത്മഹത്യക്കും ശ്രമിച്ചു. ബുധനാഴ്ച പുലര്‍ച്ചെ പുത്തനത്താണി ചേരുരാലിലാണ് നാടിനെ കണ്ണീരിലാഴ്ത്തിയ സംഭവം നടന്നത്.

മംഗലം-കാവഞ്ചേരി പനവളപ്പില്‍ റഫീഖിന്റെ മക്കളായ മുഹമ്മദ് ഷിബില്‍(8), ഫാത്തിമ റഫീദ(6) എന്നിവരാണ് മരിച്ചത്. മാതാവ് ചേരുരാല്‍ പന്തല്‍ പറമ്പില്‍ ആയിഷ(28) യാണ് കുട്ടികളെ കൊന്ന് ആത്മഹത്യക്ക് ശ്രമിച്ചത്.

കൊലപാതകത്തിനും, ആത്മഹത്യാ ശ്രമത്തിനും കല്‍പകഞ്ചേരി പൊലീസ് കേസെടുത്ത് ആയിഷയെ അറസ്റ്റ് ചെയ്ത് കോടതിയില്‍ ഹാജരാക്കി. ബുധനാഴ്ച രാവിലെ പതിവ് പോലെ കുട്ടികളെ മദ്രസയിലേക്ക് കൊണ്ടുപോകുമ്പോഴാണ് വീടിനടുത്തുള്ള കിണറ്റിലേക്ക് തള്ളിയിട്ടത്.

വീട്ടിലെത്തി റൂമില്‍ കയറി കൈഞരമ്പ് മുറിച്ചത് വീട്ടുകാര്‍ കണ്ടപ്പോള്‍ അന്വേഷിക്കുകയായിരുന്നു. കുട്ടികളെ അന്വേഷിച്ചപ്പോഴാണ് കിണറ്റിലിട്ട വിവരം പറഞ്ഞത്. ഉടന്‍ നാട്ടുകാര്‍ കിണറ്റില്‍ തിരച്ചില്‍ നടത്തിയാണ് മൃതദേഹങ്ങള്‍ പുറത്തെടുത്തത്.

ചൊവ്വാഴ്ച രാത്രി ഗള്‍ഫിലുള്ള ഭര്‍ത്താവുമായി ഏറെ നേരം ഫോണില്‍ സംസാരിച്ചിരുന്നതായി വീട്ടുകാര്‍ പറഞ്ഞു.പിതാവ് ബുധനാഴ്ച വൈകിട്ട് നാട്ടിലെത്തി. മുഹമ്മദ് ഷിബില്‍ ചേരുരാല്‍ സ്‌കൂളില്‍ മൂന്നാം ക്ലാസിലും, ഫാത്തിമ റഫീദ ഒന്നാം ക്ലാസിലുമാണ് പഠിക്കുന്നത്. രാത്രി ഏഴ് മണിക്ക് മംഗലം വളമരുതൂര്‍ ജുമാമസ്ജിദ് ഖബര്‍സ്ഥാനില്‍ മറവ് ചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Suiside Attempt, Murder, Arrested