സിനിമാ സീരിയല്‍ നടിക്ക് അശ്ലീല മെസേജുകളയച്ച ടാക്‌സി ഡ്രൈവര്‍ അറസ്റ്റില്‍

മുംബൈ: സിനിമാ സീരിയല്‍ നടിക്ക് അശ്ലീല മെസേജുകളയക്കുകയും ഫോണ്‍ ചെയ്ത് ശല്യം ചെയ്യുകയും ചെയ്ത ടാക്‌സി ഡ്രൈവറെ പോലീസ് പിടികൂടി. നടി രവീണ ടണ്ഠന്റെ ബന്ധുവും മധുബാല സീരിയലിലൂടെ പ്രശസ്തയുമായ രാഖി വിജന്റെ പരാതിയെ തുടര്‍ന്ന് ടാക്‌സി ഡ്രൈവര്‍ ജയേഷ് സിംഗ് ആണ് അറസ്റ്റിലാ യത്.

നേരത്തെ ജയേഷിന്റെ ടാക്‌സിയില്‍ നടി ഷിര്‍ദിയിലേക്ക് യാത്ര ചെയ്തിരുന്നു. ഈ പരിചയത്തിന്റെ പേരില്‍ നടിയുടെ ഫോണ്‍ നമ്പര്‍ വാങ്ങിയ ജയേഷ് പിന്നീട് നിരന്തരം മിസ് കോള്‍ ചെയ്യുകയും അശ്ലീല മെസേജുകള്‍ അയക്കുകയുമായിരുന്നു.

തുടര്‍ന്ന് നടി മുംബൈയിലെ സാന്താക്രൂസ് പോലീസ് സ്‌റ്റേഷനിലെത്തി പരാതി നല്‍കി. പരാതിയുടെ അടിസ്ഥാനത്തിലാണ് ടാക്‌സി ഡ്രൈവറെ പിടികൂടിയത്. വ്യാജ വിലാസം നല്‍കിയാണ് മൊബൈല്‍ സിം കാര്‍ഡ് ഇയാള്‍ കരസ്ഥമാക്കിയിരിക്കുന്നതെന്നും പോലീസ് കണ്ടെത്തി. സ്ത്രീകള്‍ക്കെതിരെ അപമര്യാദയായി പെരുമാറിയതിനാണ് ഇയാള്‍ക്കെതിരെ പോലീസ് കേസെടുത്തിരിക്കുന്നത്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Message, Actress, Police, Case, Arrested