മദ്യപാനത്തിന് പണം നല്‍കാത്തതിനാല്‍ സുഹൃത്തിനെ അടിച്ചുകൊന്ന പോലീസുകാരന്‍ അറസ്റ്റില്‍

കോയമ്പത്തൂര്‍: മദ്യപാനത്തിന് പണം ചോദിച്ച് നല്‍കാത്തതിനാല്‍ സുഹൃത്തിനെ അടിച്ചുകൊന്ന പോലീസുകാരന്‍ അറസ്റ്റില്‍. മധുര ശിങ്കംപെട്ടി മുരുകാനന്ദം(49) ആണ് അറസ്റ്റിലായത്. തുത്തുക്കുടി കീഴ് ഷണ്‍മുഖപുരം സ്വദേശി ജയശീലന്‍ (32) ആണ് മരണപ്പെട്ടത്. 

മധുര സ്റ്റേഷനില്‍ പോലീസുകാരനായ മുരുകാനന്ദം കോയമ്പത്തൂര്‍ ശെല്‍വാപുരത്തെ ജയശീലനോടൊപ്പം വന്നതായിരുന്നു. ചൊവ്വാഴ്ച രാത്രി ഒന്നിച്ച് മദ്യപിച്ച ഇവരില്‍ മുരുകാനന്ദം വീണ്ടും മദ്യം ആവശ്യപ്പെട്ടതിനെ തുടര്‍ന്നുണ്ടായ കയ്യാങ്കളിയില്‍ വിറകിന്റെ കഷണമെടുത്ത് തലയില്‍ അടിക്കുകയായിരുന്നുവെന്ന് പോലീസ് പറയുന്നു. കോയമ്പത്തൂര്‍ മെഡിക്കല്‍ കോളേജ് ആശുപത്രിയില്‍ പ്രവേശിപ്പിച്ച ജയശീലന്റെ ജീവന്‍ രക്ഷിക്കാനായില്ല. ശെല്‍വപുരം പോലീസ് പ്രതിയെ അറസ്റ്റ് ചെയ്തു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Murder case, Police, Arrested