ബിജെപി പ്രവര്‍ത്തകന്റെ കൊല:കണ്ണൂര്‍ ജില്ലയില്‍ തിങ്കളാഴ്ച ഹര്‍ത്താല്‍

കണ്ണൂര്‍: സിപിഎം-ബിജെപി പ്രവര്‍ത്തകര്‍ തമ്മിലുണ്ടായ സംഘര്‍ഷത്തില്‍ ബിജെപി പ്രവര്‍ത്തകന്‍ മരിച്ചതിനെത്തുടര്‍ന്ന് കണ്ണൂര്‍ ജില്ലയില്‍ തിങ്കളാഴ്ച ബിജെപി ഹര്‍ത്താല്‍ പ്രഖ്യാപിച്ചു. രാവിലെ ആറു മതല്‍ വൈകിട്ട് ആറുവരെയാണ് ഹര്‍ത്താല്‍. കണ്ണൂര്‍ സര്‍വകലാശാല തിങ്കളാഴ്ച നടത്താനിരുന്ന എല്ലാ പരീക്ഷകളും മാറ്റിവച്ചിട്ടുണ്ട്.

ഞായറാഴ്ച വൈകിട്ട് 4.30 ഓടെയാണ് സിപിഎം-ബിജെപി സംഘര്‍ഷമുണ്ടായത്. പയ്യന്നൂര്‍ പെരുമ്പ സ്വദേശി വിനോദ് കുമാറാണ് മരിച്ചത്. അക്രമത്തില്‍ പരിക്കേറ്റ കൊച്ചു നാരായണന്‍, ലക്ഷ്മണന്‍ എന്നിവര്‍ ആശുപത്രിയില്‍ കഴിയുകയാണ്. ഇതില്‍ ലക്ഷ്മണന്റെ നില ഗുരുതരമായി തുടരുകയാണ്.

സിപിഎം കൊടിമരം ബിജെപി തകര്‍ത്തെന്ന് ആരോപിച്ചാണ് ഇരു വിഭാഗങ്ങളും തമ്മില്‍ തര്‍ക്കം തുടങ്ങിയത്. പിന്നീട് സംഘര്‍ഷം രൂക്ഷമാകുകയായിരുന്നു. ഇരു വിഭാഗങ്ങള്‍ തമ്മില്‍ ബോംബേറും മാരകായുധങ്ങളുമായി ഏറ്റുമുട്ടലുമുണ്ടായി. സംഘര്‍ഷത്തെത്തുടര്‍ന്ന് കണ്ണൂരില്‍ നിന്ന് സായുധ സേനാംഗങ്ങളടക്കമുള്ള കൂടുതല്‍ പോലീസ് സേന സംഭവസ്ഥലത്തെത്തിയിട്ടുണ്ട്.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News