ചൊവ്വാഴ്ച വൈകിട്ട് കാസര്കോട് പഴയ ബസ് സ്റ്റാന്ഡ് പരിസരത്തുള്ള പിതാവിന്റെ ഹോട്ടലിലേക്ക് വന്ന കുട്ടി ആറുമണിയോടെ വീട്ടിലേക്ക് പുറപ്പെട്ടതായിരുന്നു. എന്നാല് വീട്ടിലോ, ബന്ധുവീടുകളിലോ, മദ്രസയിലോ എത്താത്തതിനെ തുടര്ന്ന് പിതാവ് ടൗണ് പോലീസില് പരാതി നല്കുകയും മാധ്യമങ്ങളില് വാര്ത്ത നല്കുകയും ചെയ്തിരുന്നു. അന്വേഷണം പലവഴിക്കും തുടരുന്നതിനിടെയാണ് കുട്ടിയെ തിരുവനന്തപുരം റെയില്വേ സ്റ്റേഷനില് കണ്ടതായി ചൈല്ഡ്ലൈന് പ്രവര്ത്തകര് വൈകിട്ടോടെ ബന്ധുക്കളെ അറിയിച്ചത്.
റെയില്വേ സ്റ്റേഷന് പരിസരത്ത് അനാഥനായി കാണപ്പെട്ട കുട്ടിയെ റെയില്വേ സ്റ്റേഷനില് പ്രവര്ത്തിക്കുന്ന ചൈല്ഡ് ലൈന് ക്യാബിനിലെ ജീവനക്കാര് കൂട്ടിക്കൊണ്ടുപോയി വിവരം തിരക്കിയപ്പോഴാണ് കാസര്കോട് നിന്ന് വന്നതാണെന്ന് മനസിലായത്. താന് ട്രെയിനിലാണ് ഇവിടെ വന്നതെന്നും നാട് കാണാനുള്ള ആഗ്രഹം കൊണ്ടാണ് ട്രെയിനില് കയറിയതെന്നും കുട്ടി പറഞ്ഞതായി ചൈല്ഡ് ലൈന് ജീവനക്കാരനായ രതീഷ് പറഞ്ഞു.
ബന്ധുക്കള് എത്തിയാലുടന് കുട്ടിയെ അവരെ ഏല്പിക്കാനാണ് ചൈല്ഡ്ലൈന് അധികൃതര് ഉദ്ദേശിക്കുന്നത്. കുട്ടിയെ കൂട്ടിക്കൊണ്ടുവരാന് തിരുവനന്തപുരത്തേക്ക് ബുധനാഴ്ച വൈകിട്ട് പുറപ്പെടുമെന്ന് പിതാവ് അബ്ദുല് ഹമീദ് പറഞ്ഞു.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Missing Case
No comments:
Post a Comment