പരാതിക്കാരിയായ പെണ്‍കുട്ടിയെ പോലീസുകാര്‍ മൂന്നുമാസത്തോളം പീഡിപ്പിച്ചു

ചണ്ഡീഗര്‍: പരാതി നല്‍കാനെത്തിയ പതിനേഴുകാരിയെ തോക്കു ചൂണ്ടിയും മറ്റും ഭീഷണിപ്പെടുത്തി മൂന്നു മാസത്തോളം ലൈംഗികമായി പീഡിപ്പിച്ച സംഭവത്തില്‍ രണ്ട് പൊലീസുകാരെ അറസ്റ്റു ചെയ്തു. ഒളിവില്‍ പോയ മൂന്നു പൊലീസുകാര്‍ക്കുവേണ്ടി തിരച്ചിലാരംഭിച്ചു. പെണ്‍കുട്ടി ആത്മഹത്യ ചെയ്യാനൊരുങ്ങുന്നത് അറിഞ്ഞ അയല്‍ക്കാരി സുഹൃത്താണ് നഗരസഭാ കൗണ്‍സിലര്‍ വഴി ഉയര്‍ന്ന പൊലീസുദ്യോഗസ്ഥരെ വിവരമറിയിച്ചതും തുടര്‍ന്ന് നടപടികളുണ്ടായതും.

ബന്ധുക്കളുമായുണ്ടായ വഴക്കിനെത്തുടര്‍ന്ന് പെണ്‍കുട്ടി പൊലീസ് സ്‌റ്റേഷനില്‍ വിളിച്ച് പരാതി പറഞ്ഞതാണ് സംഭവങ്ങള്‍ക്ക് തുടക്കമായത്. ഫോണെടുത്ത പൊലീസുകാരന്‍ മൊഴി രേഖപ്പെടുത്താനെന്ന പേരില്‍ പെണ്‍കുട്ടിയെ സമീപിക്കുകയും പൊലീസ് വാഹനത്തില്‍ കയറ്റിക്കൊണ്ടുപോയി തോക്കു ചൂണ്ടി മാനഭംഗപ്പെടുത്തുകയുമായിരുന്നു. പുറത്തു പറഞ്ഞാല്‍ കൊന്നുകളയുമെന്ന് ഭീഷണിപ്പെടുത്തി. മൂന്നു മാസത്തോളം ഇത് ആവര്‍ത്തിക്കുകയും ചെയ്തു. ഇതിനിടെ മറ്റ് നാലു പൊലീസുകാരെയും ഒപ്പം കൂട്ടി.

തകര്‍ച്ചയുടെ വക്കിലെത്തിയ പെണ്‍കുട്ടി ആത്മഹത്യ ചെയ്യാന്‍ തീരുമാനിക്കുകയും ഇക്കാര്യം സുഹൃത്തിനെ അറിയിക്കുകയുമായിരുന്നു. ഉടന്‍ തന്നെ നഗരസഭാ കൗണ്‍സിലറെ സുഹൃത്ത് വിവരമറിയിക്കുകയും കൗണ്‍സിലര്‍ പൊലീസുദ്യോഗസ്ഥരെ കാണുകയുമായിരുന്നു.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Rape, Police, Arrested.