ഏറെ മോഹിച്ചു വാങ്ങിയ പഴയ സൈക്കിളിലുള്ള യാത്രയാണു അബുവിന്റെ ജീവനെടുത്തത്‌. കഴിഞ്ഞ ഞായറാഴ്‌ച സുഹൃത്തുക്കള്‍ക്കൊപ്പം കാറ്റാടിപ്പാടം കാണാന്‍ പോകുമ്പോഴായിരുന്നു ദുരന്തം. കൂട്ടുകാരായ അബുവും ആദിത്യനും ഒരു സൈക്കിളിലായിരുന്നു. ഇടത്തറമുക്കിനു സമീപത്തെ വളവു നിറഞ്ഞ ഇറക്കത്തില്‍ ബ്രേക്ക്‌ നഷ്‌ടപ്പെട്ട സൈക്കിള്‍ വൈദ്യുതി പോസ്‌റ്റിലിടിച്ചു മറിയുകയായിരുന്നു. വഴിയില്‍ക്കിടന്ന ഇരുവരെയും ഓട്ടോറിക്ഷക്കാരാണ്‌ ആശുപത്രിയില്‍ എത്തിച്ചത്‌. ആദ്യം തൂക്കുപാലെത്തയും പിന്നീട്‌ കട്ടപ്പനയിലെയും സ്വകാര്യ ആശുപത്രികളിലും തുടര്‍ന്ന്‌ കോട്ടയം മെഡിക്കല്‍ കോളജ്‌ ആശുപത്രിയിലും പ്രവേശിപ്പിച്ചു. തീവ്രപരിചരണ വിഭാഗത്തില്‍ കഴിഞ്ഞിരുന്ന അബു വ്യാഴാഴ്ച പുലര്‍ച്ചെ നാലിനു മരണത്തിനു കീഴടങ്ങി. പരുക്കേറ്റ ആദിത്യന്‍ സുഖം പ്രാപിച്ചു വരികയാണ്‌.
മൃതദേഹം സ്‌കൂളില്‍ എത്തിച്ചതോടെ കലോത്സവം താല്‍ക്കാലികമായി നിര്‍ത്തിവച്ച്‌ നൂറുകണക്കിന്‌ ആളുകള്‍ അബുവിന്‌ യാത്രാമൊഴിയേകി. തൂക്കുപാലം ബ്ലോക്ക്‌ നമ്പര്‍ 400 ല്‍ നാസര്‍-സുബൈദ ദമ്പതികളുടെ മകനാണ്‌ അബു. റസിയ, റഹ്‌മത്ത്‌, അജാസ്‌ എന്നിവരാണ്‌ സഹോദരങ്ങള്‍.
Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News
No comments:
Post a Comment