നാല് കിലോ കഞ്ചാവുമായി തിരുവനന്തപുരം സ്വദേശിയെ കാസര്‍കോട്ട് പിടികൂടി

കാസര്‍കോട്: നാല് കിലോ കഞ്ചാവുമായി തിരുവനന്തപുരം സ്വദേശിയെ ടൗണ്‍ പോലീസ് കാസര്‍കോട്ട് പിടികൂടി. നെയ്യാറ്റിന്‍കര ഉച്ചക്കടവ് കുളത്തൂര്‍ കണ്ണംകുഴിയിലെ ടി. ഫ്രാന്‍സിസ് (38) ആണ് അറസ്റ്റിലായത്. കൊല്ലത്ത് നിന്ന് കാസര്‍കോട്ടേക്ക് കഞ്ചാവുമായി ഏറനാട് എക്‌സ്പ്രസില്‍ വന്നിറങ്ങിയപ്പോഴാണ് രഹസ്യവിവരംകിട്ടിയെത്തിയ പോലീസ് സംഘം അറസ്റ്റുചെയ്തത്.

ഞായറാഴ്ച വൈകിട്ടാണ് സംഭവം. രണ്ട് കിലോ വീതമുള്ള രണ്ട് പൊതികളിലായി ബാഗിലാണ് കഞ്ചാവ് സൂക്ഷിച്ചിരുന്നത്. ടൗണ്‍ എസ്.ഐ ടി. ഉത്തംദാസ്, ജില്ലാ പോലീസ് സുപ്രണ്ടിന്റെ രഹസ്യവിഭാഗം എന്നിവരുടെ നേതൃത്വത്തിലാണ് പ്രതിയെ പിടികൂടിയത്. ഫ്രാന്‍സിസിനെ തിങ്കളാഴ്ച കോടതിയില്‍ ഹാജരാക്കും.

Keywords: Kasaragod, Kerala, Kerala News, International News, National News, Gulf News, Health News, Educational News, MalabarFlash, Malabar Vartha, Malabar News, Malayalam News, Kannur News, Calicut News, Malappuram News, Police, Case, Arrested